Новите модели што заеднички ќе ги развиваат Renault и Geely ќе бидат наменети и за извозните пазари, а техничката основа за нив ќе потекнува од шведскиот производител Volvo, што е дел од групацијата Geely.
Renault и кинескиот производител на автомобили Geely Holding Group планираат заедничко производство на нови хибридни модели и модели со обичен погон во Јужна Кореја. Новите модели ќе се одликуваат со ниска емисија на СО2 и од 2024 година ќе се произведуваат во фабриката на Renault-Samsung во Бусан.
Во заедничкото соопштение што двете компании го објавија денес, стои дека возилата произведени во Бусан, покрај тоа што ќе се нудат на јужнкорејскиот пазар, ќе бидат наменети и за извоз. Извесно е дека неколку модели ќе се продаваат и во Северна Америка, но засега уште не е потврдено дали извозот ќе го опфаќа и европскиот пазар.
Новата соработка му дава шанса на Renault да ја преброди слабата продажба во Кина. Француската марка лани се повлече од Кина, поради неисплатливиот бизнис и проблемите што долго останаа нерешени.
Платформите од моделите на Volvo во иднина ќе се користат и за Renault
За моделите што ќе се произведуваат во Бусан, партнерите планираат да ја користат компактната модуларна платформа CMA. Тоа е платформа што Geely и Volvo Cars ја развија заеднички во Шведска. Истата моментно се користи во Volvo XC40, во Polestar 2, како и во различни модели од марката Lynk & Co, што исто така му припаѓа на Geely.
.@GeelyGroup and Renault Group sign agreement for joint cooperation in South Korea:
✅ Agreement signed to launch new vehicle lineup in 🇰🇷
✅ Vehicles will be manufactured in Busan
✅ Geely to license architecture and powertrain tech
Full press release: https://t.co/rQ4x1qNpPO pic.twitter.com/IWBncKPKj6— Renault Group (@renaultgroup) January 21, 2022
Претседателот на Geely, Ери Ли, порано познат како Ли Шуфу, коментира за спогодбата: „Geely има неоспорна историја на успешна реализација на кооперациите, којашто им нуди предности на двете страни.“ За новиот бизнис коментираше и шефот на Renault, Лука де Мео: „Со помош на овие проекти, Geely и Renault го поставуват патот за продолжување на 20-годишната историја на успех на Renault-Samsung.“
