Фабриката именувана Ампер ЕлектриСити во Дуе почна да го произведува електричниот Рено 5 во октомври 2024 година. Петнаесет месеци подоцна, Французите го произведоа стоилјадитиот примерок. Славеничниот примерок е во изведбата Техно, со батерија од 52 кВч, што е најчесто избирана комбинација.
Рено 5 Е-Тек е воедно и носител на насловот на Автомобил на 2025 година во Европа.
Шест модели се произведуваат на иста монтажна линија.
Рено е посебно горд што 5-ката е целосно француски производ, за што и доби сертификат од државата лани. Во фабриката во Дуе се изработуваат дури 6 модели на иста лента: Рено 5, Рено Меган и Рено Сеник Е-Тек, Алпин А290, Нисан Микра и Мицубиши Еклипс Крос.
Секој ден оттаму излегуваат по 900 нови автомобили, од кои две третини се Рено 5. Се работи во две дневни смени и во преполовена ноќна смена.
Сите добавувачи на фабриката Ампер ЕлектриСити се во радиус од 300 километри, а најголеми тепазари за моделите се оддалечени најмногу 1.000 километри.
Во тој круг спаѓа и фабриката во Мобеж, каде што се произведува електричниот Рено 4 Е-Тек и фабриката во Руиз, за преносни механизми за хибридни и електрични модели, како и изработката на куќиште за батерија во Минт.
