По пристигнати податоци за 95 проценти од европскиот пазар, Дачиа Сандеро е на пат со јунската титула по чеврти пат во првите шест месеци од годинава да биде најпродаван модел.

Продажбата на Сандеро во јуни порасна за 20 проценти, на 26.557 возила, покажуваат податоците на Датафорс, за 95 проценти од продажбата во ЕУ, ЕФТА и ОК.

Во истиот месец лани, Сандеро заостануваше со близу 10.000 возила зад тогашниот бестселер Тесла Модел Ипсилон.

Годинава во јуни, Сандеро е на пат да ја надмине продажбата на електричниот СУВ од средната класа на Тесла за повеќе од 5.000 возила. Се очекува таа предност да се зголеми уште повеќе, откако ќе пристигнат преостанатите податоци од Хрватска, Унгарија, Португалија и Шведска. Врз основа на првичните пристигнати податоци од Шведска, Модел Ипсилон во јуни ја престигнал Сандеро со 2.122, наспроти 306 примероци.

Модел Ипсилон е во тесна битка со Рено Клио и со победникот од мај, Фолксваген Т-Рок, за второто место во продажбата во јуни.

Клио во минатиот месец ја зголеми продажбата за 4,9 проценти, на 21.954 возила, додека Т-Рок напредуваше за 5,3 проценти, на 21.676 возила. Модел Ипсилон изгуби 30 проценти од продажбата во истиот месец во ’23 и постигна 21.285 продажби, според првичните податоци од Датафорс.

Повратникот ФВ Голф се бори со Тесла Модел 3 за петтото место во јунската продажба.

Продажбата на Голф во минатиот месец порасна за 20 проценти, на 19.693 возила, како резултат од темелното моделско освежување на компактниот модел, што беше прикажан во јануари. Освежувањето има за цел да го продолжи пазарниот век на иконскиот модел на ФВ, пред тој да биде заменет со наследникот што ќе се нуди само во електрична изведба.

Модел 3 постигна уште подобра продажба од Голф, со раст од 46 проценти и продадени 19.125 возила.

Уште една жестока битка се води за седмото место, меѓу Тојота Карис Крос, Дачиа Дастер и Цитроен Це-3. Јарис Крос води пред Дастер со 19 возила и со 150 возила пред Це-3, според првичните податоци од Датафорс.

Поради тоа, може да се очекуваат смени во местата, откако ќе се пребројат преостанатите пазари.

Во јуни, марката Фолксваген имаше седум модели во Топ 50, Тојота пласираше пет свои модели, додека Шкода и Пежо имаа по четири модели.

Лидери во првото полугодие

Сандеро предводи во продажбата во првите шест месеци со 144.205 возила, пред Голф со 125.591 и Клио со 113.620 возила.

Водечката петорка ја заокружуваат Т-Рок (111.442) и Пежо 208 (105.940).

Модел Ипсилон, шампион во првото полугодие во 2023, по првите шест месеци од годинава е на осмото место, зад модели како Ситроен Це-3 и Шкода Октавиа.

Најпродавани 50 модели на европскиот пазар во првото полугодие 2024