за

Porsche отвори центар за возачки авантури во Италија

Porsche во италијанската провинција Бреша го отвори својот осми Experience Center.

Во северниот дел на Италија, во подрачјето Франкиакорта во провинцијата Бреша, почна да работи осмиот центар за посебни возачки доживувања на Porsche.

Центарот на Porsche во близина на прочуениот вински регион Франкиакорта покрива површина од околу 60 хектари. Во состав на центарот влегуваат возачка патека „Autodromo di Franciacorta” со три различни подрачја за тренинг, дел за теренски возење и главна патека што е долга два и пол километри. Специјално подготвени возила им стојат на располагање на лицата со посебни физички потреби. Објектот на Porsche Experience Center содржи центар за клиенти и боксови.

Центарот за клиенти има покрив со профил на лак и располага со вкупно 5.600 метри квадратни. Во широкиот централен простор под покривот може да се изведат просторија за обука, салон за предавање на новите возила, ресторан со најдобрата панорама на патеката и бар, продавница на Porsche и подрачје за дечиња. Исто е предвидена и конференциска сала. Боксовите се состојат од 29 гаражи и овој простор одговара и за одржување на автомобилски натпревари, меѓу другото за трки во рамките на Porsche-Carrera-Cup Italia.

New photo by Automedia MK / Google Photos

Во Франкиакорта постои и симулатор за виртуелна реалност и за е-спортови, со осум места, како и простор за е-карт. До крајот на годината ќе се догради и центар за обука на италијанските дилери на Porsche.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

>>> Возење Porsche како автомобилски спа-третман: Road Tour 2021

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mercedes E-Class веќе вози на струја: EQE по пример на EQS

TDI за Gazelle: Руска газела со германско срце