за

Во Скопје претставен новиот Porsche Taycan Cross Turismo

Под отворено небо и акустична музика, претставена е комплетно новиот модел на Porsche, електричниот Taycan Cross Turismo.

Инспириран од визијата која беше отелотворена со претставувањето на првиот концепт уште во 2019 година, Porsche испрати клучен сигнал за електричната иднина на мобилноста.

Високотехнолошката шасија со погон на сите тркала и адаптивна воздушна суспензија за апсолутна бескомпромисност. Опционалниот пакет Off-Road го зголемува растојанието од земјата до 30 mm. Ова значи дека Cross Turismo може да се вози и на потежок терен. Стандардниот „Gravel Mode“ ја подобрува соодветноста на новиот модел за возење по нерамни патишта.

Четири деривати на Taycan Cross Turismo се достапни веднаш по неговото лансирање. Моќноста изнесува 380 коњски сили во основната верзија Taycan 4 Cross Turismo, 490 коњски сили во Taycan 4S Cross Turismo, 625 коњски сили во Taycan Turbo Cross Turismo и 761 коњска сила во најмоќниот Taycan Turbo S Cross Turismo кој забрзува до 100 км/ч за само 2,9 секунди. Опремени со Performance Battery Plus, вкупниот капацитет на батеријата изнесува 93,4 kWh и секогаш доаѓа стандардно во сите верзии. Досегот на батериите изнесува од 416 до 456 км соодветно на верзијата на Taycan Cross Turismo.

Како дел од овогодинешниот и трет по ред „Skopje Unplugged“ 2021, новиот Porsche Taycan Cross Turismo гордо се претстави на сцената придружуван од акустичната музика на фестивалот на кој учествуваа повеќе изведувачи, како групата Ван Гог, Игор Џамбазов придружуван од Гуру Харе Бенд, Студени нозе и останатите.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Renault R5 Concept

Кинески концерн гради фабрика за батерии во Франција

Kia одликувана шестпати во изборот на автомобил на годината во Русија