за

Porsche им држи часови по германски на бегалци од Украина

Porsche им нуди на бегалците можност за забрзано учење германски јазик. Предност имаат мајките.

Курсевите се одржуваат во образовниот кампус на производителот на спортски автомобили во Цуфенхаузен, како и во повеќе семејни центри на територијата на Штутгарт.

Помошните центри на Porsche се организираат првенствено како појдовно место за дечињата на коишто им е потребна грижа. Партнер во проектот е мрежата „ukraine engagiert“ којашто ги обединува граѓанските здруженија и државните органи, како и мрежата јазични училишта kmp.

Главниот кадровик во Porsche, Андреас Хафнер, посебно е горд на брзината со којашто се организираше помошта. Спортската марка ќе им помогне на бегалците од Украина да се чувствуваат колку може попријатно во Германија. „Јазикот е главен фактор за тоа“, порачува Хафнер. Голем број вработени во Porsche исто така се ангажираат доброволно за да им помогнат на Украинците.

Покрај сопствени јазични курсеви во Цуфенхаузен и во семејните центри, Porsche одржува и други иницијативи како помош за учење на германскиот јазик.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes EQS SUV: Славче Таневски создаде електричен дизајн

Opel Vivaro: Налепници за спортски изглед се многу згодна работа