за

Porsche 911 GT2 RS постави рекорд за сериски возила на Нирбургринг

Porsche постави нов рекорд за сериски спортски автомобили на 20,8-километарскиот курс на Нирбургринг, со 911 GT2 RS со кит Manthey Performance.

Фабричкиот возач на Porsche, Ларс Керн, извозе нов рекорд на Нордшлајфе, со време 6:43,300 минути, со 911 GT2 RS моќен 700 КС. Перформанс-китот на Manthey е развиен во соработка со инженерите на Porsche. Вградените компоненти од Porsche Tequipment се достапни во центрите на марката.

Рекордното време што требаше да се „урне“ изнесуваше 6:48,047 минути. На Ларс Керн му беше лесна вежба да го постави новото рекордно време зад воланот на посебно подготвениот 911 GT2 RS. Со гуми Michelin Pilot Sport Cup 2 R што се дозволени за примена во јавен сообраќај, фабричкиот возач го подобри времето за 4,747 секунди. Просечната брзина изнесуваше 185,87 km/h.

Овој потфат е далеку од тоа да биде бесмислен. „Нашите GT-клиенти често возат на тркачките патеки, на пример на Trackdays“, открива Франк-Штефен Вализер, прв човек за моделските серии 911 и 718. Гомеми се и зборовите на Ларс Керн: „Со парформанс-китот од Manthey, 911 GT2 RS буквално се лепи на пистата – токму во брзите свијоци се чувствуваш како во тркачки автомобил. Остава без здив, како автомобилот ги ангажира своите 700 КС на асфалтот, колку екстремно сопира и притоа се контролира добро во секок момент.“

Китот од Manthey е достапен како ставка од Porsche Tequipment и се состои од делови за подвозјето, за сопиорачките и спојлери што се изработени посебно за RS. Лесните магнезиумски тркала исто така се дел од китот, исто како во пакетот Weissach. При 200 km/h, притисокот со китот е зголемен од 49 на 70 килограми, а на задната оска при истата брзина тој е зголемен од 93 на 200 килограми.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Škoda цели на место во Топ 5 до 2030 година

Tesla одбележа поставување на 20-илјадитиот суперполнач

Tesla ги прави своите суперполначи достапни и за други марки