за

Започна производството на Peugeot e-Expert Hydrogen

Нови историски моменти за Peugeot, првото сериско возило со погон на водород e-Expert Hydrogen се симна од производствената лента на 13-ти декември.

Peugeot се вбројува меѓу првите производители што нудат верзија со водородни горивни ќелии во сегментот на комерцијални возила, покрај верзиите со мотор со внатрешно согорување и со батериски електричен погон.

Линда Џексон, извршна директорка на брендот Peugeot, изјави: „Со e-Expert Hydrogen, Peugeot го презема водството во технологијата на иднината со нулта емисија, што е особено важна на пазарот на лесни комерцијални возила: Водородната електрична технологија овозможува интензивна секојдневна употреба без потреба за полнење на батеријата, како одлучувачка предност за професионалците кои во еден ден треба да поминат неколку стотици километри на автопатот и потоа да влезат во урбани области со ограничени емисии. Технологијата на водород, што е развиена од Stellantis и имплементирана е во нашиот Peugeot e-Expert Hydrogen, овозможува таква употреба“.

Водородното комерцијално возило на Peugeot се издвојува благодарение на совршената интеграција на целиот „електричен систем со водородни горивни ќелии со средна моќност“ во моторниот простор и долниот дел од каросеријата. Резултат: Нема компромис во однос на обемот на оптоварување и низок центар на гравитација, гаранција за стабилност, безбедност и агилност.

Peugeot e-Expert Hydrogen сега може да започне да се испорачува. Првиот клиент кај кој ќе биде испорачан пред крајот на годината е WATEA by MICHELIN, подружница посветена на решенијата за зелена мобилност во групата MICHELIN.

New item by Automedia MK / Google Photos

e-Expert Hydrogen, кој ќе започне да се произведува на крајот на 2021 година, е најновиот симбол на стратегијата на брендот „Проширена моќ на избор“, овозможувајќи им на клиентите да изберат од широкот спектар на мотори кои најдобро одговараат на нивните специфични потреби.

Електричната верзија со водородни горивни ќелии го покажува брзото распоредување на електрифицираната понуда на гамата на Peugeot Expert. Неговото производство доаѓа 15 месеци по лансирањето на електричниот моделот e-Expert на батерии во 2020 година, кој беше прогласен за интернационално комерцијално возило на почетокот на 2021 година и е шестото возило на Peugeot што ја освои оваа престижна награда од 1992 година.

Peugeot e-Expert Hydrogen се базира на e-Expert напојуван од батерии. Најпрво се произведува во Франција, во областа Hordain (Nord, Hauts de France), потоа изграден во Германија во Rüsselsheim, на производните ленти во компетентен центар Stellantis посветен на технологијата на водород.

Новиот Peugeot e-Expert Hydrogen е опремен со „електричен систем за водородни горивни ќелии со средна моќност“ специфичен за STELLANTIS и се состои од: 

New item by Automedia MK / Google Photos
  • Горивни ќелии што ја произведуваат електричната енергија потребна за придвижување на возилото благодарение на водородот во резервоарот, 
  • Високонапонска литиум-јонска батерија на полнење со капацитет од 10,5 kWh, која може да се полни од електричната мрежа и која исто така го напојува електричниот мотор во одредени фази на возење.

Новиот Peugeot e-Expert Hydrogen се одликува со: 

  • Неговата способност да ги покрие сите дестинации без емисија на CO2, 
  • Неговата способност да се наполни со водород за 3 минути за повеќе од 400 km автономија во циклусот на хомологација WLTP (под хомологација), 
  • Приклучок за полнење на високонапонската батерија, 
  • Достапни се 2 должини (стандард и долга) со исти карактеристики за товарање како и верзиите со дизел и електрични мотори, 
  • До 6,1 m³ волумен на оптоварување, 
  • До 1000 kg носивост, 
  • Капацитет за влечење до 1000 kg, 
  • Неговата приспособливост на сите услови на патишта и автопат, со максимална брзина од 130 km/h.

Новиот Peugeot e-Expert Hydrogen е технолошки иновативен и има моќен карактер. Може да се вози насекаде, дури и во градските подрачја, тивко и без емисија на CO2, и не бара компромиси во однос на корисни перформанси, удобност или задоволство при возењето.

Водородот сега станува главен столб на енергетската транзиција со најавата за различни меѓународни проекти. Особено во Европа, екосистемот расте и Европската алијанса за чист водород инвестира околу 60 милијарди евра за промовирање на ова решение.

Благодарение на владините планови, бројот на водородни станици во Европа постојано се зголемува и брендот Peugeot работи директно со добавувачите на енергија.

Со овој нов e-Expert Hydrogen, Peugeot се позиционира како главен играч во овој енергетски предизвик.

(Соопштение за јавност од Еуроимпекс)

Го имате посетено нашиот онлајн-каталог https://avtosalon.mk/ со податоци и цени за сите нови модели на автомобили на македонскиот пазар? На следниот линк можете директно да пристапите до прегледот на сите модели на Peugeot.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes G-Class е црвената капсула за бегство од „Матрикс“

Шпанците приватно најмногу купуваат Kia