Важна премиера на Peugeot на штотуку завршениот авто-салон во Шангај. Новиот Peugeot 408 се пробива и на кинескиот пазар, произведуван локално, во заедничката фабрика со Dongfeng во Ченгду. Бидејќи француската марка веќе има еден модел под ознаката 408 за пазарот во Кина, новакот доби додавка X во ознаката.
Заедно со Peugeot 408, односно 408X за тамошниот пазар, на салонот во Шангај доживеа премиера и концептниот автомобил Inception, којшто служи како шаблон по којшто ќе се развива цела следна генерација модели на Peugeot.
Исто како што забележлив и во Европа, Peugeot 408X го привлекуваше вниманието и на посетителите на 20-от Ауто Шангај. Менаџерите му скроија глобална кариера на својот оригинално дизајниран „фастбек“, кого што го поставија во самиот врв во Ц-сегментот. Освен во Кина, Peugeot 408X ќе се продава и на уште неколку пазари во Азија.
Моделот наменет за кинескиот пазар речоиси и не се разликува од европскиот 408, вклучувајќи го i-Cockpit. Токму конективноста и напредните технологии им се посебно важни на кинеските возачки и возачи, кои сакаат од своите автомобили да имаат пристап до онлајн-услуги и до посебни апликации. Peugeot 408X стартуваше со продажба во Кина уште во јануари.
Британката Линда Џексон, извршна директорка на Peugeot, во својот говор на Ауто Шангај 2023, кажа дека „PEUGEOT 408X и PEUGEOT INCEPTION CONCEPT совршено го прикажуваат капацитетот на Peugeot да иновира и брилијантно ги прикажува трите вредности на марката: Привлечност, емоција, исклучителност. Со својот спектакуларен дизајн, со својата привлечност, овие две возила го прикажуваат Peugeot во ново светло, коешто е посебно атрактивно за кинеските клиенти.“
Great to be back at the #ShanghaiMotorShow this week to launch the locally-produced #Peugeot408X and meet local teams and press. Our #PeugeotInceptionConcept is also in attendance, allowing show visitors to see up close @Peugeot's alluring vision of the future of the automobile. pic.twitter.com/Jqv8JQk3dS
— Linda Jackson (@LindaJackson) April 20, 2023