По минатогодишното прогласување на Peugeot 508 за Автомобил на годината во Украина, годинава следи уште една титула за Французите. Peugeot 2008 е избран за најдобар СУВ за 2021 година. Жирито даваше најмногу гласови за технологијата и за динамичноста.
На манифестацијата во Киев што се пренесуваше онлајн, Peugeot 2008 е прогласен за Најдобар СУВ за 2021 година. Гласовите доаѓаа од украинските читатели и од автомобилските новинари. Со шест победи на најпрестижниот избор на автомобил на годината во Европа, на традиционалниот Car of the Year, марката Peugeot редовно освојува високи места и на изборите што се организираат на национално ниво.
Победата за Peugeot годинава е уште поубедлива, затоа што доаѓа по триумфот на 508, кој лани ја освои титулата на Автомобил на годината во Украина. Peugeot 2008 годинава победи во конкуренција на нови СУВ-модели од Б-сегментот на украинскиот пазар, со 9,7% удел во вкупниот број гласови.
Во изборот годинава учествуваа 44 автомобили, во осум категории. Се избираа најдобар патнички автомобил и најдобар кросовер / СУВ за 2021 година. За најдобриот модел во секоја од осумте категории решаваат читателите, преку онлајн-гласање. Автомобилските новинари и читателите избраа исто, наградувајќи го Peugeot 2008 со насловот на Најдобар СУВ на годината.
Тоа што најмногу го издвојува Peugeot 2008 на целата автомобилска сцена е неговиот дизајн. Компактниот СУВ лани ја освои и ценетата награда Red Dot, којашто спаѓа меѓу најстарите и најверодостојни избори за дизајн во светот.
Дел од посебното чувство во Peugeot 2008 секако е i-Cockpit, со компактен волан, голем дисплеј на допир со висока резолуција и со иновативни дигитални иструменти што ги прикажуваат информациите во повеќе нивоа, создавајќи 3D-ефект.
Целата гама на моделот ја заокружува изведбата со погон на струја e-2008, со електромотор со 136 КС и со реален досег до 320 km.