за

Њујорчанец заработил $125K од пријавување камиони што работат во место

Поткажувањето е вносна професија во Њујорк. Жител заработил 125 илјади долари од тоа што пријавува возачи кои оставаат камионот да работи во место.

Посебна програма за зачувување на животната средина во градот Њујорк им овозможува на граѓаните да заработат доколку снимат и пријават камиони и автобуси чијшто мотор е оставен да работи во место подолго од три минути. Некои од тоа заработуваат шампионски.

Во градот Њујорк веќе година и пол важи закон за заштита на животната средина, со којшто се забранува камиони и автобуси со повеќе од 15 седишта да останат со вклучен мотор додека мируваат во место подолго од три минути. Со пријавување на случаи на прекршување на законите може за кусо време да се заработи висока парична сума. ТВ-каналот NBC сними прилог со извесен Доналд Блер, кој за мошне кусо време заработил 125 илјади долари.

Законот за заштита на животната средина е уште построг за случаи кога тешки возила се оставаат со вклучен мотор во близина на училишта. За тие случаи, лимитот е една минута, сé над тоа време е прекршок. На жители што ќе поднесат пријави за вакви случаи, им припаѓаат 25 проценти од паричната казна што е пропишана за прекршокот. Доказ за прекршокот е снимка подолга од три минути. Во снимката треба да биде опфатено и името на фирмата на којашто ѝ припаѓа возилото.

Откако законот е стапен на сила, до градот Њујорк се доставуваат повеќе од 12.000 пријави годишно

Системот е исклучително делотворен. Пред законот да стапи на важност, до Градот биле пријавувани одвај десетина случаи на возила чијшто возачи не го изгаснале моторот при мирување на возилото во место. Само во минатата година, Њујорк регистрирал повеќе од 12.000 пријави.

Видео материјалот се доставува до Агенцијата за заштита на животната средина на градот Њујорк. Потоа, на сопственикот на возилото му се одредува парична казна во висина од најмалку 350 долари. На поднесителите на пријавата им припаѓа една четвртина од паричната казна.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Шкотска тестира јавен превоз со автобуси без возач

Volkswagen во првиот квартал заработувал по 3,4% од продаден автомобил