Постхумно одликување за Ники Лауда. Светската автомобилска асоцијација ФИА го прогласи повеќекратниот првак во формула 1, кој почина во мај, за личност на 2019 година.
Трикратниот светски првак во формула 1, Ники Лауда, прогласен е постхумно за личност на 2019 година од страна на светската автомобилска асоцијација ФИА. Одликувањето за Австриецот следеше со едногласна согласност од сите претставници од медиумите, коишто во минатата година имале акредитација за најмалку еден шампионат под закрила на ФИА.
Лауда, кој воедно беше и шеф на надзорниот одбор на тимот за мотоспорт на Mercedes, почина во мај на возраст од 70 години.
Годишната прослава на ФИА во петокот вечер во Париз му оддаде чест и на долгогодишниот директор за трки во формула 1, Чарли Вајтинг, кој почина во март, како и на францускиот возач во формула 1, Антоан Ибер, кој загина на крајот на август на трка на белгиската Спа Франкоршамп.
Ники Лауда: Најпознатите цитати на човекот што ја имаше формулата за ѕвезда