Кои автомобили се продавале најслабо годинава во Германија?

За најпродаваните модели дури и нема потреба од детални статистики. Тие се дел од секојдневната улична слика. Но, кои модели на автомобили се продаваат најмалку? Тоа не мора секогаш да бидат најскапите и најексклузивните. Германскиот пазар, како најголем и највлијателен автомобили пазар во Европа, секогаш се наоѓа од полза, кога треба да се добијат несекојдневни одговори.

Колку автомобили Rolls-Royce се продаваат годишно во Германија, на најголемиот автопазар во Европа? Дури и бројката за месечната продажба е доволно импресивна. Седум примероци од суперлуксузниот и исклучителен автомобил биле продадени на германскиот пазар во октомври, во последниот месец за којшто ни се достапни најдетални статистики. Годинава се вкупно 65 примероци од најпрестижниот СУВ-модел во светот.

Овој благороднички транспортер, сепак не е најмалку продаван модел во земјата годинава. Пред него, има уште 13 модели што убедиле уште помалку возачки и возачи. Некои од нив се уште нови на пазарот, меѓу нив и BMW iX3. Електричниот СУВ го бележи својот втор месец на германскиот пазар и досега има вкупно 35 продажби. Овој број понатаму ќе расте прогресивно. Еден модел воопшто не им е по вкус на Германците. SsangYong Rexton годинава е регистриран во 21 примероци. Корејската марка веројатно ќе исчезне набрзо од европскиот пазар.

Останатите модели од крајот (или почетокот) на листата се помалку или повеќе егзотични модели, како Quattroporte или Morgan 4/4. Но, зарем на Lexus му е местото тука, пред крајот на листата? Купе-знаменосецот LC и спортскиот RC имаат по шеесетина примероци годинава. Причината за тоа не е недовербата или слабиот имиџ на марката, туку токму спротивното. Германците, во премиум сегментот, ги ценат единствено Audi, BMW и Mercedes. Без разлика што Lexus редовно победува на споредбените тестови на моќните германски магазини и на гласањата за избор на автомобил на годината – во категоријата на увозни марки – Германците се патриоти кога станува збор за премиум сегментот и „мораат“ да ја прескокнат престижната марка на Toyota. Секако дека Lexus на останатите пазари котира многу повисоко во продажните статистики. Тоа е една од бројните специфики на германскиот пазар.

Следат уште неколку модели што не изненадува да бидат на опашот на продажбата. Првиот Ferrari (или последен) е F8 со вкупно 154 примероци во 2020 година. Bentley Bentayga напредува подобро на германскиот пазар отколку Cullinan, со 62 примероци годинава, на 271-то место.

Воопшто не изненадува тоа што Jaguar се појавува на 57-то место, со моделот од вишата класа XF. Британската марка генерално котира слабо. Германските возачи се повеќе свесни за кредибилитетот на автомобилските марки и не се фаќаат „слепо“ за марка. Сестрата Land Rover и специјалистка за теренци, исто така минува слабо на пазарот што моментно брои повеќе од 300 модели во понудата. На британските марки во индиска сопственост им недостигаат технологија и имиџ, за возачите реално да ги прифатат нивните премиум цени.

Alfa Romeo е уште еден пример за марка што не ги одушевува германските возачки и возачи. Со 788 примероци годинава, Giulia е светлосни години далеку од серијата 3 на BMW со над 37.000 примероци, исто како и од Mercedes C-Class и Audi A4 кои се следат на листата, но на нејзиниот врв. На Alfa Romeo, Jaguar и Land Rover, на дното на продажбата им се придружува уште Jeep. Некогаш ценетото име на сцената на теренците, денес е само на 242-то место, со 528 примероци од Cherokee годинава. Дури и Lada Vesta, што официјално не се нуди повеќе на пазарот, се продала во повеќе примероци.

Land Rover Discovery, SsangYong Korando, DS3, Jaguar F-Type, Mazda CX-3, исто така заостануваат на германскиот пазар, со помалку од 1.000 продадени примероци годинава.

Што се однесува до големата слика, Германија годинава регистрирала вкупно 2.316.134 нови патнички автомобили. Водечката петорка ја сочинуваат Golf, Tiguan, Passat, Focus, Octavia, почнувајќи од 112.313 примероци од Golf до 41.613 примероци од чешкиот бестселер.

Контра Топ100 на Најслабо продавани модели на германскиот пазар во 2020 година