за

Mitsubishi L200: Пикапите се нова инспирација за тјунирање

Ако нешто е ретко, направи тоа да биде уште поретко. Тоа би можело да биде мотото на возачите што сакаат на својот пикап да му дадат екстра посебност. Mitsubishi L200 е добар пикап за „работа“.

Mitsubishi L200 е докажан и ценет пикап, во секоја генерација уште повеќе отколку во претходната. Новиот модел со изгледот повеќе е ориентиран кон возачите што го сакаат овој вид возила поради тоа што им се совпаѓа со посебниот животен стил. Јапонците дополнително нудат широк избор од прибор за L200.

Пазарот во Европа признава само три пикапи: Toyota Hilux, Nissan Navara, и секако, Mitsubishi L200. Како тие да не се доволно ексклузивни, па нивните сопственици честопати им вршат преправки, или заради нагласување на теренските возни својства, или заради нагласување на стилот – или од двете причини.

Овој примерок од Mitsubishi L200 е одличен пример за тоа, што сé може да се направи врз веќе добрата основа. Добра појдовна точка е вградување кит за зголемување на моќноста Steinbauer K-1000, кој максималната вредност на вртежниот момент ја зголемува на 502 Nm, во комбинација со моќност од 185 КС и со меѓузабрзување подобрено за 20 проценти. Дополнителните 35 КС и 102 Nm секако дека го скусуваат и спринтот од место.

Екстра моќноста, покрај тоа што прави возењето да биде уште поголемо задоволство, ја зголемува и безбедноста, затоа што во случај на престигнување возило, процедурата трае покусо и со тоа – начелно – е помала опасноста од создавање критична ситуација. Истото важи и при вклучување на автопат и други слични сценарија.

New photo by Automedia MK / Google Photos

Овој тјуниран примерок се базира врз нивото на опрема Instyle Plus. Од понудата на прибор и дополнителна опрема на Mitsubishi потекнуваат алу-тркалата во сјајна црна боја и маската со истиот финиш, додека останатгите детали, како основата за светлата, долната половина на предниот браник, рачките на вратите и куќиштата на ретровизорите се изведени во мат црна боја.

На тоа се надоврзуваат црни проширувања на арките на крилата (+60 mm), црна посебна цевка за довод на воздух и црни кровни шини и задни светла. Во товарниот простор назад секако дека не недостигаат практични кутии за сместување најразлични предмети, а самиот простор е затворен со црна ролетна со брава, којашто се отвора со само еден потег.

New photo by Automedia MK / Google Photos

Подвозјето е во специјална изведба за возење по терен, со екстра 30 до 45 милиметри зголемено растојание од подлогата и со подобрен комфор при возење по груб терен. Алуминиумски плочи дебели четири милиметри ги штитат моторот, менувачот, ладилникот, разделниот преносник и подвозјето од оштетувања – исто и резервоарот за гориво и за адблу има посебна заштита.

Гумите се 265/60 R18 за возење по секаков терен, на покривот се наоѓаат Lazer Linear-42 диодни рефлектори со долг досег. Вкупно 200 ставки прибор им стојат на располагање на возачите на Mitsubishi L200.

Пикапот од шестата генерација нуди исклучителна теренска возливост, впрочем исто како и сите негови претходници. Погонот на сите тркала стандардно располага со блокада на задниот диференцијал. Во верзијата на погон на сите тркала Super Select може да се избира меѓу четири програми: Асфалт, кал/снег, песок, карпа. Понудата на Мак Аутостар за Mitsubishi L200 за македонскиот пазар почнува од 27.480 евра.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

>>> What Car го цени Mitsubishi L200 како пикап со најдобра противвредност

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

BMW ги лакира Серија 1 и 2 во најнеобични бои

General Motors мора да ја замени батеријата на сите произведени Bolt EV