Дарко Јаконов
Големиот теренец на батерија е следен во низата ексклузивни модели од Штутгарт чијшто изглед е дизајниран од македонскиот дизајнер во Mercedes-Benz Cars, Славче Таневски, по родстерот AMG SL. Основата од EQS SUV ќе се користи и за Mercedes-Maybach EQS, првиот електричен модел на благородничката марка.
Гамата електрични модели на Mercedes-EQ од утре ќе добие нов член. По луксузната лимузина EQS, по бизнис крстосувачот EQE, следен е првиот СУВ-модел што е конструиран врз наменската платформа за електрични модели на Mercedes-Benz Cars, седумседот EQS SUV. Аналогно на паралелата меѓу S-Class и EQS, така и новиот EQS SUV е позициониран исто како престижниот GLS.
Тоа што дополнително претставува тема на интерес е името на дизајнерот. Славче Таневски е дизајнер на клучниот модел во електричната стратегија на Mercedes-Benz Cars. Луксузниот EQS SUV се појави пред светот уште есеноска, во форма на Concept Mercedes-Maybach EQS. Како што неодамна дознавме од Таневски, дизајнот на серискиот модел незначително ќе се разликува од концептот. Првиот електричен автомобил во историјата на Maybach беше претставен лани на салонот ИАА во Минхен, кадешто и публиката имаше можност да се запознае и да разговара со Славче Таневски.
Wie ein Erkennungsmerkmal: Das geschwungene 3D-Helix-Hecklicht zeichnet auch das neueste Mitglied unserer Mercedes-EQ-Familie aus. Der vollelektrische EQS SUV – digitale Weltpremiere am 19. April 2022 um 12 Uhr.#MercedesEQ #EQSSUV #ProgressiveLuxury #ThisIsForPioneers pic.twitter.com/MXzUC1kmf0
— Mercedes-Benz Deutschland (@MercedesBenz_DE) April 18, 2022
Сите детали ќе бидат познати утре на онлајн-премиерата во 12 часот. Во меѓувреме и сцената почна повторно да пројавува интерес за дизајните под сребрената ѕвезда, па на инстаграм, и потоа на останатите друштвени мрежи, се појавија шпиунски фотографии од EQS SUV, уште десетина денови пред премиерата. За тоа нескромно ќе коментираме дека заслуга има и AMG SL, уште еден модел што е дизајниран од Македонецот кој лани одбележа десет години работа во марката од Штутгарт. Очекуваме и разговор со Славче Таневски во деновите по премиерата. Уште еднаш, честито маестро Таневски!
Славче Таневски: „Убавината на мојата работа е што можам да ги менувам световите во кои се наоѓам“
Mercedes-Benz's ever-expanding EQ range gets a new family member. Meet the all-new, fully-electric EQS SUV.
Does this make the newcomer the S-Class of all-electric SUVs? pic.twitter.com/D6lqmAdFJN
— CarsInPixels (@cars_pixels) April 14, 2022
