за

Електричната Г-Класа не се вика Е-Кју-Ге, има „нормална“ ознака

Мерцедес на 24-ти април првпат ќе ја прикаже електричната изведба од својата Г-Класа.

Важната премиера за Мерцедес и за електромобилноста воопшто ќе се одржи на салонот во Пекинг, кон завршетокот на месецов. Марката со сребрената ѕвезда таму ќе ја прикаже новата електрична Г-Класа.

Место Е-Ку-Ге, како што се претпоставуваше досега, новата електрична Г-Класа ќе има многу понормална ознака. Понормална и од очекувањата: Г 580 со технологија Е-Ку.

Мерцедес уште не открива подробности за несомнено историскиот чин. Штутгарт ја најавува електричната Г-Класа како „теренска икона што е осмислена од ново за ерата на електромобилноста. Таа обединува традиција и напредок на досега невиден начин.“

Инсајдерите очекуваат Г 580 да има четири електромотори, што значи по едно на секое тркало. Со тоа би одела и батерија од 100 кВч. За досегот може да се смета на околу 320 километри. Во 2025 година ќе биде додадена и батерија со силициумски аноди, што ќе биде подобра во секој поглед.

Покрај електричната Г 580, Мерцедес на Ауто Кина 2024 ќе прикаже и обновена изведба од својот електро-крстосувач Е-Ку-С, панданот на С-Класа. Триото премиери ќе го комплетира Мерцедес-АМГ ГТ 63 С Е Перформанс, со приклучен хибриден погон – и мотор Ве-8.

Екстремниот ГТ 63 С Е Перформанс ќе го има своето деби неколку денови порано, на АМГ Бренд Најт Евентс, што ќе се одржува во рамките на Формула 1 викендот во Шангај. Премиерата на електричната Г-Класа ќе се одржи на презентација во уметничкиот кварт 798 во Пекинг. Салонот отвора за публика на 25-ти април.

 

View this post on Instagram

 

A post shared by Mercedes-Benz (@mercedesbenz)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Дефендер ја качува продажбата на Ланд Ровер, уште една одлична година за марката со теренците

Акио Тојода, претседателот на Тојота, има и рецепт за здрави крофни