за

Идната генерација на Mercedes E-Class нема да се нуди во такси-изведба

Mercedes планира следната генерација на E-Class повеќе да не ја нуди во изведба за такси превоз. Компаниите се збунети.

Со појавувањето на новата генерација на моделот во 2023 година, Штутгарт повеќе нема да произведува такси-варијанта од Mercedes E-Class. За германските таксисти, тоа е културна катастрофа.

Комуникацијата што се одвива меѓу дистрибутерите на Mercedes и такси-компаниите, открива дека изведбата за такси-превоз ќе биде укината во следната генерација на E-Class. Тоа го дознава германскиот неделник за екомомија Виртшафтсвохе.

Вработен во филијала на Mercedes што е одговорен за продажба на такси возила, им соопштува на „драгите таксисти“ дека Mercedes-Benz AG решиле изведбата „Das Taxi“ од E-Class да ја укинат со новиот модел што треба да се појави во 2023 година. Во следната година ќе се укине и такси-изведбата од B-Class, во моделското освежување што му претстои на компактниот ван.

Од Здружението на такси и рентакар компании на Германија, се обратиле до шефот на Mercedes, Ола Келениус. Во нивниот допис се наведува дека укинувањето на E-Class во такси изведба ќе биде „катастрофално“. Таков чекор би довел до „тешко нарушување на соработката меѓу здружението и Mercedes-Benz“, се наведува во писмото што е испратено до Виртшафтсвохе.

Од Mercedes соопштиле дека моментно се бараат најдобрите решенија со коишто ќе се одговори на потребите на такси превозот. „Во моментов се наоѓаме во фаза на сондирање за нов такси модел од патничката програма на Mercedes-Benz.“

Mercedes во почетокот на март го прекинал посебно поволното финансирање за нови такси возила. Досегашната каматна стапка за такси возила изнесуваче 2,99 проценти. Во иднина ќе се промени оваа стапка, односно такси возилата ќе се финансираат под помалку поволни услови.

Во такси браншата веќе се шпекулира дека Штутгарт веројатно планира овој голем огранок од своојот бизнис да го покрие со електричниот модел Mercedes-Benz EQE. Секако дека менаџментот на највредната автомобилска компанија во светот го има сето тоа испланирано вешто. Единствено е проблем тоа што E-Class како такси по германските улици е речиси културно наследство.

Берлин со 15.000 евра субвенционира електрични такси-возила

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Polestar испробува терен за кабриолет со погон на струја

Премиера во Тојота Авто Центар: Новиот Lexus NX ја електризира атмосферата