Mercedes-Benz донира милион евра за погодените од земјотресот во Турција и Сирија

Дополнително се активираат и вработените во Mercedes-Benz со испраќање парични донации.

Mercedes-Benz Group AG донира милион евра на Германскиот Црвен Крст, наменети за луѓето во Турција и Сирија што се погодени од силниот земјотрес. Донацијата ќе се користи за итна хуманитарна помош на лице место, со цел настраданиот народ брзо да се снабди со неопходното. Акцијата за помош на Германскиот Црвен Крст веќе е започната.

Mercedes-Benz е подготвен да понуди помош на големите хуманитарни организации. Во моментов најмногу се потребни парични донации, со цел во најбрз рок да се обезбеди професионална помош во погодените региони.

Компанијата дополнително организира и донаторска акција за своите вработени. На тој начин вработените можат на небирократски начин да придонесат за брзата помош во регионот што е погоден од катастрофа.

We are donating one million euros to @roteskreuz_de for the people in Turkey and Syria who have been affected by the severe earthquakes. The donation will be used for local humanitarian aid in order to quickly provide the bare essentials. pic.twitter.com/Y7vDtvBKed

— Mercedes-Benz (@MercedesBenz) February 7, 2023