Mercedes-Benz го именуваше кинескиот државјанин Дуан Џианџун за претседател и извршен директор на тамошната компанија Beijing Mercedes-Benz Sales, за продажба на возила од германската марка.
Назначувањето на Џианџун за прв човек на продажбата на Mercedes-Benz во Кина важи од 1-ви мај, се наведува во соопштението од Beijing Mercedes.
Дуан почна да работи во компанијата за продажба на возила во 2013 година, како заменик на извршниот директор. Тој беше унапреден во оперативен директор во 2019 година.
Ветеранот во автомобилскиот бизнис доаѓа на местото на Јан Мадеја, кој се враќа во Германија, откако четири години беше во служба како претседател и извршен директор во Кина. Мадеја ќе преземе нова функција во управата на Mercedes-Benz во Штутгарт.
Кина е најголем пазар за автомобилите Mercedes-Benz во светот.
Во минатата година, германската луксузна марка испорача 751.700 автомобили во Кина, што е за еден процент под резултатот од преклани.