за

Пет илјади автобуси Mercedes имаат филтер за заштита од вируси

Автобускиот огранок на Daimler во време на пандемијата посебно внимава на максимална заштита со помош на активни филтри, во комбинација со ефикасните системи за климатизација во автобусите.

Во повеќе од 5.000 автобуси од марките Mercedes-Benz и Setra се вградени повеќеслојни филтри за честички со висока ефикасност со прогресивна конструкција.

Во филтрите се вградува и т.н. функционален слој за заштита од вируси, што пречистува до 99% од аеросолите во внатрешноста. Возилата располагаат со соодветни системи за климатизација, што воздухот во внатрешноста можат да го освежат целосно за време меѓу една до четири минути. Во овие автобуси е поставена добро видлива налепница покрај вратите.

Mercedes уште во почетокот на пандемијата почна да вградува и заштитни прегради, за возачот да биде одвоен од патниците. Пет илјади градски, меѓуградски и туристички автобуси од двете марки се опремени со вакви врати за заштита на возачот. Овие панели се целосно проѕирни и може да се вградат во новите нарачани автобуси, но и во постоечките автобуси.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

toyota алфелова кула зелена водород

Toyota направи Ајфеловата Кула да засвети зелено

BMW почна со производство на батериите за електричните iX и i4