Дарко Јаконов
Групацијата Torello, долгогодишна деловна партнерка на Mercedes-Benz Trucks Italia, возниот парк во постојаност го обновува со возила од Daimler Truck. Карин Радстром, извршна директорка на Mercedes-Benz Trucks, лично на фамилијата Торело ѝ ги предаде клучевите од нивниот 1.000-ти Mercedes-Benz Actros, во центарот за клиенти во фабриката во Верт на Рајна.
Семејната компанија Torello се вбројува меѓу најголемите оператори со возни паркови за патен транспорт и за логистички услуги во Италија. Таа вработува околу 2.400 лица и располага со дваесетина локации во Италија и во останатите европски држави, меѓу кои Франција, Романија, Србија и Словачка. Новиот Actros L се придружува во големиот возен парк, што Torello Gruppe го користи ширум Европа.
„Со 1.000-от камион Mercedes-Benz во нашиот возен парк, постигнавме вкупна бројка што го отсликува нашето долгогодишно партнерство. Голема радост за нашата фамилија и за нашата компанија е можноста да го прославиме предавањето на возилото, тука во Верт на Рајна“, изјави Никола Торело, основач и претседател на групацијата Torello.
Моторот OM 471 вреди половина од камион Mercedes-Benz Actros
