Надзорниот одбор на Daimler AG го одобри бизнис планот за периодот од 2022 до 2026 година, што води кон целосна електрификација на моделската понуда на Mercedes-Benz.
Највредната луксузна марка автомобили во светот има за цел да го презеде водството и во поглед на електричниот погон и софтверот во возилата. За таа цел да се исполни, Mercedes-Benz ќе вложи повеќе од 60 милијарди евра. Најмногу ќе се инвестира во истражување и развој во електричниот погон, во дигитализацијата и во автономното возење.
Се предвидуваат и зголемување на нето прометот по возило, директна продажба, како и воведување дигитални услуги што ќе донесат зголемен промет. Mercedes-Benz се подготвува целата своја понуда од модели да ја префрли на погон на струја уште пред крајот на деценијава. Тоа сепак ќе важи само за пазарите што напредуваат најмногу во поглед на електрификацијата. Во повеќето региони ширум светот и понатаму ќе бидат достапни модели на Mercedes-Benz што ќе користат мотори со внатрешно согорување.
Со издвојувањето на камионскиот огранок во посебна компанија, Mercedes-Benz ќе може поефикасно да вложува во иднината на своите автомобили и ванови
Воведувањето стандарди за батериите за електричните возила и користењето платформи што ќе служат како техничка основа за повеќе модели од повеќе класи ќе доведе до намалување на трошоците за електричните возила. Концернот очекува уделот на батеријата во вкупната цена на автомобилите да се смали значително уште во тековната декада.
Во нашиот онлајн-каталог Avtosalon.mk можете да ја погледнете целосната понуда од модели на Mercedes-Benz на македонскиот пазар, со најразлични можности за пребарување.
Today it’s time to say GOODBYE to our dear friends and colleagues at @DaimlerTruck. As of tomorrow, our ways will part and we will move into different directions. We say THANK YOU for all the memories and what we’ve achieved together. It was a pleasure working with you! pic.twitter.com/e6CLtcnW1V
— Mercedes-Benz (@MercedesBenz) November 30, 2021
