Најновото издание на серијата Farming Simulator, сега во својето 22-ро еволутивно скалило, се покажа вистински хит меѓу љубителите на компјутерските игри. Во првата недела по издавањето на играта, истата е преземена повеќе од 1,5 милион пати.
Giants Software им е добро познато име на љубителите на видеоигри, кои наоѓаат забава во симулирањето работа на фарма. Во најновото издание под број 22, Farming Simulator првпат се издава директно од „Giants“, што придонесе да се зголеми достапноста на играта.
Farming Simulator 22 е достапна на PC, Mac, PlayStation 5, Xbox Series X|S, PlayStation 4, Xbox One и Stadia. Играчите ја добиваат на располагање досега најнапредната симулација на фармерство, вклучувајќи и нови функции, како што се производствени синџири кои сочинуваат агрикултурни империи или сезонски циклуси што носат нови предизвици.
Тоа што може да го привлече вниманието на автомобилистите за оваа симулација се тракторите, од производители како John Deere, Fendt, New Holland, Massey Ferguson или Mack. Вкупно стојат на располагање повеќе од 400 автентични машини и алати, од преку 100 специјализирани производители.
Значи, светот на видеоигрите повеќе не се врти околу рели-предизвици, симулации на формула 1 или силно моторизирани пробисвети, туку денес се вози трактор и се работи на фарма. Милион и пол преземања на играта за една недела, сепак е достигнување што е вредно за целата играчка сцена, не само за фармерските симулации. Од друга страна, може многу да се научи за подрачје што на многумина ни е непознато. Којзнае кога тоа може да затреба.
Сето тоа има и своја цена, сите детали може да се погледнат на
https://farming-simulator.com/buy-now.php?lang=en&country=us&platform=pcdigital
