за

Mazda го реновира музејот пред одбележувањето еден век постоење на марката

Mazda се подготвува за одбележување на стогодишнината од основањето. Музејот во Хирошима доби нова надворешна и внатрешна архитектура, коишто го следат новиот стил на автомобилите на Mazda.

Музејот на Mazda, којшто е дел од седиштето на компанијата во Хирошима, целосно е реновиран во чест на големиот јубилеј на марката. Бројни историски возила се изложени во музејот, на коишто секако ќе им се израдуваат љубителите на Mazda, но и сите љубители на автомобилизмот и на техниката. На јапонската вештина на изработка, исто така.

Стратешки најважниот објект за стогодишнината на Mazda е подготвен за отворањето за публика на 23-ти мај. Музејот на марката во Хирошима е комплетно преуреден, за на посетителите да им се овозможи непосредно да го почувствуваат духот на Mazda.

Од пред неколку денови музејот може да се посети и онлајн, за колку е можно повеќе посетители да можат да ги разгледаат музејските поставки што сведочат за богатата историја на Mazda.

Во стилот преовладува еднобојна шема, во комбинација со светло во топли бои и дрвени површини. Надворешниот и внатрешниот дизајн на музејот ги следат начелата на актуелниот дизајн на самите автомобили на Mazda.

На посетителите им се понудени 10 различни зони, со декорација и осветлување што одговараат за соодветната зона. Влезното подрачје им нуди на посетителите простор да се релаксираат и да ги запознаат најновите модели на Mаzda. Компанијата организира фабрички тури, вклучувајќи и гледање на реалното производство на возила.

Зоните на музејот на Mazda

Влезно подрачје: Го претставува стилот на марката Mazda и ги прикажува најновите модели

Зона 1: 1920 – 1959: Потеклото на духот Моноцукури (производство на автомобили)

Зони 2, 3: 1960+: Поставување темели за проширување на понудата од модели (Дел 1)

Зона 4: Мотоспорт: Глобален предизвик на Mazda, престиж и технологија

Зони 5, 6 и 7: 1960+: Поставување темели за проширување на понудата од модели (Дел 2)

Зона 8: Технологија: Моноцукури на Mazda што е ориентирано кон човекот

Зона 9: Тура низ погоните за монтажата на возила

Зона 10: Визијата на Mazda за следните 100 години

Линк до вебсајтот на музејот на Mazda: https://www.mazda.com/en/about/museum/

Online Mazda Museum https://www2.mazda.com/ja/onlinemazdamuseum/index_en.html

Mazda Kids Channel* https://www.mazda.com/ja/about/kids/

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Франција ги лови гласните мотоцикли со „медуза“

Избор за најдобар вулканизер ќе минеше посреќно од „Златно тркало“