за

Овој Maserati Grecale изгледа како да е паднат од Марс

Боја на каросеријата што потсеќа на црвената прашина на Марс, стакла во тон со каросеријата и уште низа необични детали – во Maserati отсекогаш знаеле како да привлечат внимание.

Благородната италијанска марка се издвојува најмногу со подготвеноста да се излезе во пресрет и на најнеобичните нарачки. Maserati Grecale Mission from Mars е одличен пример, што сé може да изработи фината мануфактура во Модена.

Моќта на Maserati не е само во коњските сили, туку и во програмата за посебни нарачки од клиентите, што се води под името Fuoriserie. Секој автомобил што е изработен во оваа ексклусивна програма практично е уникат. Италијанците нудат можност да се избере која било боја и кој било материјал, секако со соодветен надомест.

За промоцијата на својот нов СУВ именуван Grecale, Maserati изработија уникат што пролетва ќе продефилира во избрани салони на марката на најголемите и најзначајните пазари ширум Европа. Специјалната боја на каросеријата на овој Maserati Grecale Mission from Mars потсеќа на црвената прашина на Марс и на оксидираните карпи. На неколку места е изведен ефект на метална ерозија, исто така по пример на „блиската“ планета.

Бојата се води под името Galactic Orange и создадена е посебно во Fuoriserie. Станува збор за неколку слоеви различна боја, коишто создаваат впечаток како површината да се прелева и личи на растопен метал.

New item by Automedia MK / Google Photos

Со ексклузивната каросерија следат и специјални тркала Vortex. Нивната посебност не се сведува само на лакирањето, туку и во специјалната изработка. Дизајнот личи на воздушниот вртлог што се создава при стартувањето на вселенските летала и при забрзувањето до фантастични брзини. За контраст, сивата боја на гумите е постигната со специјална смеша, за и тоа да потсеќа на Марс.

Исто толку внимание е посветено и во внатрешноста. Сите детали, италијанската мануфактура ги прикажува уредно на видеото. Во оригиналната приказна, уникатниот Maserati Grecale е нарачан од клиент од Марс:

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Levante со мотор V8 од Ferrari стана најсилен Maserati во историјата

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Автомобил со вештачка интелигенција против американски полицајци

Lamborghini Huracán Tecnica е половина STO, половина EVO