Организацијата World Travel Awards ги одликува најдобрите достигнувања во подрачјето на туризмот. Во категоријата на аеродромски чекални повторно победи The Loft by Lexus, на аеродромот во Брисел. Така гласаа и корисниците и туристичките професионалци.
Годинава малку се патуваше со авион низ светот. Пандемијата долго време ги држеше авионите приземјени и аеродромите затворени. Организацијата World Travel Avards сепак ја одржа редовната манифестација на прогласување на најдобрите достигнувања во туризмот и патувањата. Наградата за Lexus, за чекалната на премиум марката на Toyota на аеродромот во Брисел, се заснова врз процените што беа направени во актуелните услови, со применети пакет мерки за спречување на ширењето на вирусот. Тоа прави наградата да им биде уште позначајна во Lexus.
Чекалната The Loft by Brussels Lexus е изведена според единствена замисла и целосно се посветува на комфорот, технологијата, дизајнот и на брендот на „Belgitude“ во спој со прочуената јапонска гостопримливост.
Со целосно име „THE LOFT by Brussels Airlines and Lexus“, овој lounge беше отворен на 25-ти јуни 2018 година, како простор за отпуштање на светските патници, инспириран од луксузот, дизајнот и омотенаши-гостопримливоста на Lexus. Овој ексклузивен простор докажува како луксузните марки го пренесуваат своето влијание во сите подрачја од живеењето и работењето.
Со површина од 2.040 метри квадратни, THE LOFT by Brussels Airlines and Lexus располага со простор за 50 патници. Просторот содржи средишен бар, зона за седење и издвоен работен простор, кој е совршен за луѓе што мора да работат и додека се во движење.
Согласно мерките на белгиските власти за привремено затворање на просторот за престој, чекалната на Lexus во Брисел моментно е затворена.