за

На новиот Lexus NX не му се чекаше до премиерата

Lexus објави детал од новиот NX, кој својата премиера ќе ја има на 12-ти јуни. Изгледот на новиот модел сепак е познат веќе подолго време.

Lexus претставува нов NX на 12-ти јуни. Луксузната марка на Toyota ја најави премиерата со слика од задниот дел на својот СУВ-модел од средната класа.

Фотографиите од новиот Lexus NX уште во февруари се појавија на мрежата. Со изгледот, новата генерација на моделот продолжува во воспоставената техно-авангардна насока на Lexus. Единствено се забележуваат малку повеќе заоблени форми и меки преоди меѓу површините. Впечатливата диаболо-маска секако дека останува заштитен белег и на моделот и на марката.

Внатре следи комплетно нова арматурна табла, којашто во основната форма личи многу со онаа во водородната Toyota Mirai. Нормално, на фотографиите е прикажана најопремената изведба, во којшто очигледно ќе се вградува средишен дисплеј со импресивна големина, веројатно над 12 инчи.

При премиерата се очекува да се потврди дека новиот Lexus NX ќе ја користи платформата од актуелната Toyotа RAV4. Очекувањата најмногу се насочени кон изведбата со приклучен хибриден погон, којашто веќе се нуди во братскиот СУВ-модел од Toyota. Во тој случај, NX ќе биде прв модел на Lexus што ќе се нуди и во изведба со приклучен хибриден погон.

Извесно е дека понудата ќе се состои од NX350h со 2,5-литарски бензинец и два електромотори, кои заедно ќе даваат системска моќност од преку 220 КС, како и од NX450h+, со истиот мотор, но со уште посилни електромотори – и со поголема батерија и приклучок за полнење. Во вториов случај, моќноста би надминувала 300 КС. Со полна батерија би можело да се вози околу 75 километри. Се ќе биде познато на 12-ти јуни.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

моторно масло полнење

Промена на маслото: Километрите може да не се достигнати, но и времето е важно

Тест: Kia XCeed 1.5 T-GDi