за

Целата гама на Lexus со филтер што собира и најситни честички

Системот за пречистување на воздухот „Nanoe X“ отсега е дел од стандардната опременост или се нуди како пакет во секој модел на Lexus.

Технологијата e достапна за сите модели на Lexus, развиена e од Panasonic и ги пречистува и најситните честички. Филтерот задржува 99% од вирусите и бактериите, покрај тоа се спречува сушење на кожата и косата, се поништуваат непријатните миризби.

Возачките и возачите на Lexus можат спокојно да си земат здив. Системот за пречистување на воздухот Nanoe X отсега е достапен во сите модели на луксузната марка на Toyota. Технологијата што е развиена од Panasonic работи незабележливо, ги собира штетните и непријатни честички и на тој начин придонесува за здрава клима и пријатно чувство.

Системот беше вграден првпат во Lexus ES, а сега како дел од Lexus Climate Concierge е достапен и во компактниот кросовер UX, во новата генеација на RX и во целосно електричниот RZ.

Начинот на работа се заснова врз молекули на вода, што содржат микроскопски ситни радикали на хидроксил. Тие се испуштаат заедно со воздушната струја во кабината и можат да неутрализираат вируси, бактерии, полен и други алергени. Nanoe X исто така спречува и ширење мувла. Се неутрализираат непријатните миризби и се спречува сушење на воздухот, што овозможува кожата и косата да ги задржат природната влажност.

Делотворноста на системот Nanoe X е потврдена повеќекратно, меѓу другото и од јапонската лабораторија за храна. За еден час се пречистуваат 99% од вирусите и бактериите и интензитетот на миризбата се намалува за 1,8 процент. Бројноста на радикалите на хидроксил што се пуштаат е зголемена за десетпати во споредба со претходната генерација модели: Од 480 милијарди во секунда на 4,8 билиони.

Радикалите на хидроксил постојат во изобилство во природата и се користат за подобрување на квалитетот на воздухот во затрворени простории. Освен возила, тоа може да бидат канцеларии и кои било јавни простори. При нивното ослободување, радикалите реагираат со елементите во атмосферата. Станува збор за природен процес, што го спречува развојот на штетни материи, ги уништува и го неутрализира нивното штетно дејство.

Филтерот во Lexus ги собира и штетните материи коишто се наоѓаат во ултраситните честички PM2,5

Напредната технологија за пречистување на воздухот е корисна при секое возење, посебно во густ градски сообраќај. Голема корист од Nanoe X има и во случај кога во возилото се превезуваат разни патници, односно за такси превоз и за рентакар.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Електричните автомобили главни на саемот ЦЕС во Лас Вегас

Mercedes-Benz eSprinter го чисти воздухот во Грац