Најголемиот удел во вестите што ги пласира автомобилската сцена во последниве месеци обично отпаѓа на запирање фабрики поради недостиг од чипови, поради прекин на добавувачкиот синџир како последица од руската интервенција во Украина. Од Индија пристигна една крајно необична вест. Фабрика на Mercedes мораше да паузира, поради тоа што имаше непланирана посета од еден леопард.
На запирањето на фабриките никој не се радува, тоа е далеку од забавна тема. Но, во овие вонредни времиња од секое гледиште, некогаш вест за затворање фабрика навистина може да нé насмее. Во индиската фабрика за автомобили на Mercedes беше запрено производството поради посетата од страна на тригодишен леопард. Големата мачка, на сликите што деновиве ќе го прошетаат целиот свет, покрај останатите вести, воопшто не изгледа опасно и непријателски. Напротив.
Случката во фабриката на Mercedes во индискиот Пун датира од понеделникот. Тригодишен мажјак леопард влегол во кругот на фабриката. Потоа следела целосна евакуација на фабриката. Производствените ленти мирувале дури шест часови. Се чекало стручните лица од организација за заштита на природата „Wildlife SOS“ и локалните служби да ја успијат големата мачка и да ја заловат.
Четиричлен тим за итни интервенции го затворил пристапот во подрачјето, пред да го онеспособат леопардот со помош на стрела со анестетик. По заловувањето, леопардот бил пренесен во кафез во Чакан. Животното таму било под медицински надзор, по што било утврдено дека може повторно да се пушти на слобода во шумите.
A Mercedes-Benz facility located in Chakan near Pune, Maharashtra, responsible for producing cars such as the Mercedes-Benz S-Class, was subjected to closure for a full four hours due to a three-year-old male leopard finding its way into the manufacturing section of the plant. pic.twitter.com/35BZILCyNE
— Michael (@JaMtoka) March 24, 2022
Соосновачот на Wildlife SOS, Картик Сатјанарајан, не се двоуми околу причините за леопардот да влезе во фабриката за автомобили: “Поради брзото напредување со уништувањето на нивната природна средина, леопардите се присилени да навлегуваат во населените подрачја. Во индиската сојузна држава во којашто се наоѓа фабриката на Mercedes, живеат најмногу леопарди на километар квадратен во земјата.
We had a very special guest at Mercedes-Benz India campus this morning. A leopard strayed into the company’s production facility and was later rescued with the prompt support of the Forest Department and Local Police.
Seems like the forest inspector ran a QC and gave us a⭐️rating pic.twitter.com/pdGWY6H8eV— Mercedes-Benz India (@MercedesBenzInd) March 21, 2022
#MercedesBenz Leopard entered into Mercedes Benz factory at Chakan Pune without permission but to check its speed with Benz new model Limousine pic.twitter.com/C6sT1ky2C9
— Mohanakrishnan Venkatraman (@Mohanak42252113) March 24, 2022