за

Во Ламборгини се работи четири дена во неделата

Вработените во производството во Ламборгини во иднина ќе работат само четири денови во неделата, а платата нема да им се скуси – напротив.

Ламборгини Ревуелто: Вработените во производството на луксузните автомобили во Сант Агата во иднина ќе мора поретко да доаѓаат на работа.

Производителот на суперспортски автомобили Ламборгини се спогоди со синдикатите ФИОМ и ФИМ-ЦИСЛ за скусување на работното време на вработените во производството.

Вработените во изработката на фамозните автомобили од Сант Агата д’Болоњезе отсега ќе одат на работа само четирипати во неделата. Веста ја објави Ројтерс, повикувајќи се на информации од компанијата и од синдикатите.

Италијанскиот производител образложи дека чекорот не е направен само за да се поштедат вработените, туку се поврзува и со штедење.

Заштедата сепак нема да биде врз грбот на вработените. Нивните плати не само што нема да бидат намалени, туку напротив, вработените ќе добијат повисока плата.

Бидејќи тоа е прва спогодба со европски производител на автомобили, со којашто се скусува работното време, а растат платите, синдикатите го оценија договорот како „историски“.

Американскиот работнички синдикат УАВ пред неколку седмици се избори по пат на штрајк, за платите да се зголемат за 25 проценти, за вработените во Џенерал Моторс, Форд и Стелантис. Работното време остана непроменето.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Туризам по замисла на АМГ: Со Г-Класа по шведски мраз

Фирма на Стелантис гради најголема фабрика за водородни горивни ќелии во Европа