за

Новиот Kia Sportage е најпродаван автомобил во Кореја

Единствено камионетот Hyundai Porter се продава повеќе на домашниот пазар на Kia. Новиот Sportage е корејски шампион во август.

Реакцијата на домашниот пазар на Kia за новата генерација на Sportage може да послужи како добра најава за тоа што ќе следи откако новиот модел ќе стартува и во Европа кон крајот на годината.

Во Јужна Кореја во минатиоот месец биле продадени вкупно 128.363 возила или за -2,7% помалку од истиот месец лани. Вкупно годинава во земјата се продадени 1.178.125 возила, што е пад од -3,4% во споредба со истиот период лани. Пазарот речиси целосно им припаѓа на домашните марки Kia, Hyundai & Co. Наспроти 106.247 возила од домашните марки (-3.4%), странските производители во август пласирале 22.116 (+1,0%).

Во конкуренција на марки, повторно е прв Hyundai (-6.5%), откако во минатиот месец првпат во историјата беше престигнат од Kia на домашниот пазар. Голема е веројатноста дека Kia наскоро ќе се врати на врвот – колку што продажбата на Hyundai е во минус, толку продажбата на Kia е во плус (+6.7%).

Двете марки држат приближно по една третина од корејскиот пазар (31.9% Kia, 33.3% Hyundai). Третoто место му припаѓа на Genesis, а веднаш потоа пристигаат двете германски премиум марки, Mercedes (+11.7%) и BMW (-28.1%). Од петтото до десеттото место следат Ssangyong (-28.1%), GM Korea (-19.5%), Renault Samsung (-24.6%), Audi (-33.7%) и Volvo (+242.9%). Калифорнискиот електро-специјалист Tesla не доставува бројки од продажбата до надлежните институции, меѓутоа според податоците од компанијата, во август се продадени 2.430 возила, што значи дека на Tesla практично ѝ припаѓа деветтото место меѓу најпродаваните марки во Кореја.

Kia Sportage напредуваше цели 19 места во август

Најпродавано возило е камионетот Hyundai Porter (+4.3%), но од патничките возила е прв Kia Sportage со повеќе од трикратно зголемување на продажбата (+346.4%) и со скок од 19 места во споредба со јули. Едно место подолу следи уште еден модел на марката, Kia Carnival (-0.2%), пред Hyundai Sonata (+2%), Hyundai Avante (-23.2%) и Kia K5 (+10.8%).

Hyundai Tucson исто напредува (+129.6%), но со далеку послаб интензитет од Kia Sportage и се наоѓа на деветтото место. Во продолжение графиконите за продажбата.

New photo by Automedia MK / Google Photos

 

New photo by Automedia MK / Google Photos

Тест · Kia Sorento 2.2 CRDi Premium

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Тест на Seres 3 · СУВ од Кина, електричен и премиум

Салонот ИАА Мобилност за шест денови привлече 400.000 посетители