за

Киа распалува со продажбата на електрични автомобили во САД

СУВ-седумседот на Киа беше главниот поттикнувач, за продажбата на електрични автомобили на марката во САД да порасне за 144 проценти во споредба со лани.

Четири од секои пет автомобили што Киа ги продала во САД во април се СУВ и тоа е досега најголем удел на оваа категорија возила во продажбата на марката таму. Заслуга за тоа има и новото моделско годиште на луксузната Киа Соренто. Секако дека Спортаж ја предводи продажбата.

Електричниот седумсед со храбар исчекор напред во поглед на каросерискиот дизајн и во изведувањето на кабината, ЕВ9, ги исполни големите очекувања на Киа. Во споредба со истиот месец лани, ЕВ9 придонесе Киа да ја зголеми вкупната продажба на своите ЕВ за 61 проценти и да постави нов априлски рекорд.

Во минатиот месец биле продадени 1.572 примероци од ЕВ9 и вкупно 5.579 во првите четири месеци. Уште подобро се продава спортскиот кросовер ЕВ6, со 2.051 примероци и раст од преку 60 проценти. До април, од овој модел се продадени 6.110 примероци.

СУВ-моделите учествуваат со 81 проценти во вкупната продажба на Киа во САД, односно со вкупно 65.754 продадени примероци во април. Тоа е досега најголем удел на СУВ на марката.

Три СУВ и МПВ модели на Киа имаа најдобар април во историјата: Карнивал (раст од +18%), Телурајд (+5%) и Спортаж (+2%). Новото моделско годиште на луксузниот СУВ-модел Соренто привлече за 24% повеќе купувачи отколку лани во април, а за 11 проценти напредуваше и компактот со класичен погон Форте.

„Импресивниот залет во продажбата што го донесоа ЕВ и електрифицираните модели на Киа во првиот квартал, продолжи да забрзува во април со најдобри достигнувања на ЕВ и СУВ во историјата“, кажува Ерик Вотсон, потпретседател за продажба во Киа Америка. Новиот Соренто веќе стартуваше, а во текот на годинава се очекуваат и новите моделски годишта на Карнивал и К5.

Модел Април 2024 Јан – Апр. 2024
Sportage 13739 51025
Forte 12360 45983
Telluride 8949 34527
Sorento 8668 30912
Soul 5708 18160
Seltos 5672 20455
Carnival 3588 13126
Niro 3031 10506
EV6 2051 6110
EV9 1572 5579
K5 333 7086
Rio 83 1906
Вкупно 65754 245375

„Киа продолжува да освојува нови клиенти и да ги задржува верните корисници, понудувајќи им избор на бензинци, хибриди, приклучни хибриди и целосно електричен погон од светска класа“, додава Вотсон.

Не изостануваат и одликувањата. Во изборот на Царс.цом за возила со најдобра противвредност, лимузината Форте и кросоверот Соул ги понесоа првото и второто место во компакт класата, додека ЕВ6 беше трет во конкуренција на е-модели.

Уште повисоки одликувања доби Киа ЕВ9, како најдобар нов автомобил на 2024 година според Ауто Трејдер. Марката четирипати досега имала свој модел во Топ 10.

Спортаж во славеничката серија ја продолжува традицијата на ексклузивните изведби на бараниот СУВ на македонскиот пазар

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Тест · КГМ / Сангјонг Торес · Различен на подобро

Акио побара автомобил што е како патика, Лексус одговори со Ел Бе Икс