за

Kia во март ја зголеми продажбата за 8,6 проценти, продадени над 250k возила

Мартовската продажба на Kia на светскиот пазар бележи 251.362 возила, што е за 8,6% повеќе во споредба со истиот месец лани.

На домашниот пазар, Kia во минатиот месец продала 3 (три) возила повеќе отколку лани во март или вкупно 51.011 возила. Голем раст има на извозните пазари, на коишто е регистрирана продажба од вкупно 200.351 возила. Тоа е за 11% повеќе од лани.

Продажбата на Kia ја предводат СУВ-моделите. Секако, прв е Sportage со 29.505 примероци, пред компактниот Seltos и престижниот Sorento. На корејскиот пазар, најпродаван модел е миниванот Carnival со вкупно 9.520 возила. По него следи Sorento со 8.357 примероци.

Извозните пазари постигнале раст од 11%, со вкупно 200.351 примероци. Главни мотори на растот се СУВ-моделите Sportage и Seltos, но одлично се држи и компактниот седан Rio. Иако светската економија уште е забавена поради пандемијата, клучните пазари покажуваат знаци на заздравување. Голем придонес дава продажбата на СУВ-моделите Seltos и Sonet на индискиот пазар, кој е новиот голем регион за раст на браншата.

Во отежнатите услови за делување, Kia ќе продолжи да ја применува својата стратегија Plan S, а воедно ќе ги поттикнува продажбата и профитабилноста преку воведување нови модели. Тоа се однесува на престижната лимузина Kia K8, но многу се очекува да постигне и исто така неодамна претставениот електричен модел од новата генерација, EV6.

Во Кореја досега има 21.000 онлајн-регистрации за електричниот EV6, откако неодамна беа отворени нарачките за моделот. На главните светски пазари за елеткромобилноста, EV6 ќе биде достапен за нарачка веќе од втората половина на годината.

>>> Kia EV6 за пет минути полни струја за 100 km: Сите детали за новиот електромобил

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Volkswagen ID.3 почнува нова автомобилска ера во Македонија

Камиони на Mercedes запираат самостојно за да заштитат пешаци