Дарко Јаконов
На њујоршки Тајмс Сквер официјално започна одбројувањето до почетокот на Новата 2023 година, затоа што Kia Telluride ја донесе „2023“ година до светски прочуената локација.
Во моментот кога масивната новогодишна топка над Тајмс Сквер ќе го заврши спуштањето и ќе се поклопат стрелките на часовникот, големите бројки 2023 ќе засветат високо во облакодерите. Kia веќе традиционално ги донесува „новогодишните бројки“ до Тајмс Сквер.
Годинава беше мошне долго патешествието што го мина Kia Telluride по овој повод. Големиот СУВ во врвната изведба X-Pro го почна патувањето со бројот на Новата Година на 28-ми ноември, од Kia Forum во Лос Анџелес. Тоа е спортска и концертна сала што производителот на автомобили го има земено под концесија. Секако дека тоа не е која било сала, туку е некогашниот дом на Лос Анџелес Лејкерс.
Kia Telluride X-Pro мина 2.795 милји од Лос Анџелес до Њујорк, 4.500 километри, со бројот 2023 натоварен на приколка. Трета година во низа, американскиот огранок на Kia е официјален спонзор на новогодишното одбројување и во таа чест минува долго патешествие, за возбудата од доаѓањето на Новата Година да се шири меѓу народот.
Така почна долгото патешествие
https://photos.app.goo.gl/sAetPistTBtmeGjd9
View this post on Instagram
