за

Kia во ноември продаде 250.000 возила на светскиот пазар

Ноемвриската продажба на Kia Motors брои повеќе од 250.000 возила, билансот е за 2% над истиот месец лани. Kia Sportage останува лидер.

Kia во ноември продаде 250.000 возила на светскиот пазар

Феноменот наречен Sportage ја предводи продажбата на Kia во светски рамки и во ноември, со 35.930 примероци. По него следи уште еден СУВ, Seltos со 31.861 примероци, третото место го држи лимузината K3, базирана врз Rio, со 22.804 примероци.

На домашниот пазар за марката во ноември се продадени за 3,9 проценти повеќе возила, односно продажбата достигнала 50.523 примероци. За овој голем раст во време на корона-кризата придонесуват новите генерации на семејниот ван Kia Carnival, на СУВ-знаменосецот Kia Sorento, како и на лимузината K5, што кај нас е позната како Optima.

Извозните пазари ѝ донеле на Kia раст во продажбата од 1,6 проценти, со вкупно 205.496 возила. Најголем удел во зголемувањето на продажбата имаат бестселерот Sportage, кого што во браник го следи Seltos, а по нив следи и лимузината K3, којашто е достапна на неколку големи светски пазари и се базира врз Rio.

Менаџерите се посебно задоволни од продажбата во САД во отежнатите пазарни услови за време на пандемијата. Главни мотори на продажбата таму се СУВ-моделите Telluride и Seltos. Компанијата очекува растечкиот тренд во продажбата да продолжи и во Индија, откако во август стартуваше СУВ-моделот Sonet.

Kia во исто време продолжува и со примената на „Plan S“, кој во среден до долг рок ќе ја претвори компанијата од производител на автомобили во понудувач на мобилност. Првиот целосно електричен модел на самостојна платформа ќе биде претставен в година.

>>> Kia Sorento е најдобриот автомобил на годината за CarBuyer

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Mercedes Premium Used Mak Autostar премиум користени возила Мак Аутостар

Мак Аутостар прави и продажбата на користени да биде премиум

Porsche донира 911 евра за секоја онлајн-нарачка на возило

Porsche донира 911 евра за секоја онлајн-нарачка на возило