за

Оваа електрична лимузина има добра Karma

Karma планира својата електрична лимузина GS-6 да ја понуди и на европскиот пазар.

Karma GS-6

Калифорниската Karma Automotive е произлезена од Fisker, а неа пак ја основаше Хенрик Фискер, дизајнер на BMW Z9 и на бројни модели на Aston Martin.

Автомобилот со впечатливо елегантна линија во почетокот ќе се нуди само во верзијата со 1,5-литарски бензинец, во функција на т.н. Range Extender. Тоа значи дека моторот практично ќе се користи како генератор за електрична енергија, што потоа се акумулира во батеријата со капацитет од 28 kWh. Двата електромотори располагаат со заедничка моќност од 400 киловати, односно 544 КС. Системскиот вртежен момент изнесува 740 њутнметри.

Karma наведува дека досегот со полна батерија изнесува до 125 километри. За подолги релации стапува на дело бензинецот во функција на генератор и во тој случај Karma GS-6 ќе може да вози до 580 километри далеку.

Понатаму ќе се понуди и изведба што ќе користи чисто електричен погон, со цена што ќе биде под верзијата со Range Exdender. На пазарот во САД, лимузината Karma GS-6 се нуди по цена што одговара на околу 69.000 евра. Верзијата со чисто електричен погон GSe-6 ќе чини околу 65.000 евра.

Уште нема понатамошни детали за опремата на моделот за европскиот пазар, за стартот на продажбата и секако за цените во Европа.

New photo by Automedia MK / Google Photos
New photo by Automedia MK / Google Photos

>>> Fisker Ocean ја користи електричната MEB-платформа на Volkswagen

fisker ocean vozenje
Fisker Ocean

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Cupra Formentor VZ5

Пет цилиндри и 390 КС за најсилната Cupra Formentor

Toyota постави камен темелник на Плетенград

Toyota постави камен темелник на Плетенград