Важните годишници служат за да се прослават. Во овие времиња што се под печат на пандемија, криза со полупроводници и материјали, преоѓање во ера на електромобилност и дигитализација, големите историски моменти на автомобилската сцена само добиваат уште повеќе на тежина.
Големите настани на автомобилската цена како да се одвивале по некој редослед само за да имаат јубилеј во 2022 година. Само неколку од важните годишници што претстојат годинава: Се одбележуваат 160 години од основањето на Opel во 1862 година, марката Cadillac стартувала во 1902 година, дизајнерската легенда Џовани Бертоне ја основал својата Carrozzeria во 1912 година, десет години подоцна е почетокот на приказната за Jaguar (под името Swallow Sidecar Company). Германскиот гигант Auto Union (Audi, DKW, Wanderer, Horch) стартува во 1932 година, Ferrari има голем јубилеј со 75-те години пишување историја на автомобилите, а оваа фина дружина на славенички и славеници ја заокружува Lotus, како најмлад, со 70 години од почетокот на производството на спортски автомобили.
Марките со долга историја се издвојуваат со својата препознатливост, а во исто време, долгата традиција на успех им дава на тие марки самоувереност за да воведуваат иновации и први да зачекоруваат со нови идеи во иднината. Тоа е спојот на традицијата и иновацијата што е предизвик за секоја марка, на која било страна на планетата Земја.
Еден од бројните јубилеи, 40-годишнина на Volvo 760
https://photos.app.goo.gl/q4uucJfnrWbQ3ott6
Историјата на автомобилите секако дека не ги спомнува само западните марки: Азиските производители годинава имаат големи јубилеи. Toyota, на пример, одбележува 85 години постоење. Уште еден важен настан за целата бранша: Кина ќе прославува 40 години откако Volkswagen и Peugeot го поттикнаа бранот на моторизација во големата земја, којшто доведе до тоа кинескиот пазар да е најголем пазар за автомобили во светот со години наназад.
Не треба да нé изненади, кога годинава ќе слушнеме дека вегански ентериер, електрично возење или државна субвенција за купување нови автомобили постоеле уште одамна
Како замена за кожата, до крајот на 19-от век масовно се користеле ленени платна премачкани со мешавина со ленено масло. До почетокот на првата светска војна, повеќето возила користеле електричен погон или погон на пареа. Даночни олеснувања за купување нови патнички автомобили биле воведени во 1930-те години, кога голем број компании претрпеле силен удар од светската економска криза.
Ferrari 250 GTO
Од моделските легенди, важни родендени слават Ferrari 125 S (75 години), Ferrari 250 GTO (60 години), Ferrari 365 GT4 2+2 (50 години), Maserati 3500 GT и Sebring (60 години), Maserati Khamsin и Maserati Merak (по 50 години), a следи и 50-годишнина од првата Porsche 911 Carrera RS.
Слават и спортските модели што биле повеќе достапни до народот, од претходно спомнатите модели од Маранело или Модена. Пред 60 години се произведени првите MG B и Triumph Spitfire, педесетгодишнина слави и Fiat X1/9, како и народскиот VW-Porsche 914 2.0.
https://photos.app.goo.gl/hwreWWfJcx2Zy7W3A
Нови генерации на најважните семејни лимузини се појавуваат во 1972 година. Тоа обично се најголемите соперници, што се следат во чекор со нивното деби на пазарот:
Ford Consul/Granada против Opel Rekord/Commodore
Alfa Romeo Alfetta против Серија 5 на BMW 5 (генерација E12)
Audi 80 (B1) против освеженото моделско годиште на Volkswagen 412
Пред 50 години, Volkswagen се наоѓа на историска пресвртница, кога мора да најде достоен наследник за „бубата“, но и да ја прошири понудата од модели. Додека се донесуваат важни одлуки за иднината, „бубата“ веќе го претркува Ford Model T со бројот на произведени примероци.
Каросерии со прави линии и остри рабови се дизајнерско обележје на годините во коишто во автомобилите масовно пристига нова техника. Пред 40 години се појавуваат Audi 100 (C3), BMW Серија 3 (E30), Mercedes-Benz 190 и коцкескиот Volvo 760. Во истата година се појавуваат и првата Opel Corsa, како и Nissan Micra.
https://photos.app.goo.gl/a9Vkxdt3ZgAirAcC7
Ford Sierra, со својата каросерија што е дизајнирана според диктат на аеродинамиката, ги иритира традиционалистите со Ford Taunus. Почнува и бранот на СУВ-модели, но и престижни патнички модели со погон на сите тркала. Меѓу тие модели се главни Mitsubishi Pajero (L040), Toyota Tercel 4WD, првите серии од Audi Quattro и новите модели на Subaru.
Врвот на автомобилската скала пред 50 години го претставуваат Mercedes-Benz S-Class од генерацијата W116 и Jaguar XJ12, изведба на легендарниот XJ со мотор V12. Секако има уште голем број модели со важни јубилеи, имаме цела година пред нас.
2012: Toyota GT86
2002: Renault Megane II
1987 година: Peugeot 405
1982 година: Volvo 760, Opel Corsa, Citroen BX, Audi 100 (C3)
1977: Saab 99 Turbo
1972 година: Porsche 911 Carrera RS, NSU Ro 80, Peugeot 104, Renault R5
1967 година: NSU Ro 80, Simca 1100
1962 година: VW 1500 Variant, Ferrari 250 GTO, Fiat 500
1957: Fiat 500
1952 година: Ford Taunus 12 M
