за

Кинеските производители на автомобили имаат најмногу иновации

Најголемиот скок во бројот на иновации во изминатите години бил кај кинеските електрични автомобили. Според студијата, Фолксваген и БМВ исто така напредувале, додека Тесла назадува.

Зикр 009 е невообичаен ван со исклучително моќна батерија од Катл и доаѓа од концернот Џили, каде што припаѓаат уште Волво, Смарт и Лотус.

Производителите на автомобили од Кина не само што настапуваат со сé поагресивни цени во Европа, туку напредуваат брзо и во технолошки поглед. Со огромна брзина се топи заостатокот што тие го имаа порано зад европските производители.

Меѓу 2021 и 2023 година, најголем раст во бројот на иновации кај електричните автомобили постигнале неколку кинески производители. Тоа го заклучува студијата што беше објавена во средата и изработена е од ценетиот Центар за автомобилски менаџмент, под раководство на Штефан Брацел. Главното внимание во истражувањето, што покрива неколкугодишен временски период, поставено е на досегот, потрошувачката и брзината на полнење.

Најголем раст има кај концернот Џили (+51,8 индексни бодови), по нив следат САИЦ (+35,4 бодови), концернот Фолксваген (+33,5 бодови), БМВ (31,3 бодови) како и БИД (25,2 бодови) и Тесла (25,2 бодови).

Нисан и Тојота „палат“ доцна

Вистина е дека Тесла и и натаму е на првото место според вредноста на индексот на иновации, но се топи растојанието од електро ривалите.

Кога ќе се соберат сите истражувани иновации, концернот Фолксваген сега е на 2-то место, пред Џили, Бид и концернот на Киа и Хјундаи. Во истражувањето беа опфатени 512 иновации кај сериски автомобили во 2023 година, што се оценуваа одделно.

Мерцедес се најде на 7-то место, додека ривалот БМВ напредуваше значително до 8-то место. Групацијата Стелантис останува на 9-то место, додека Џенерал Моторс падна на 10-то место.

Во подрачјето на електромобилноста, Тојота и Нисан доцна фаќаат чекор, и во студијата се пласирани на 19-то и 21-то место.

Фолксваген ИД.7 е посебно штедлив

Според раководителот на студијата Брацел, со иновативноста најмногу се издвојува концернот Џили. Моделот Зикр 009 е прво возило во светот, што е опремено со новата катерија Килин 3.0 од КАТЛ. Со неа, луксузниот ван минува до 822 километри според кинескиот циклус ЦЛТЦ.

Кај БИД, Брацел посебно ја одликува технологијата Сел-ту-Бади (ЦРБ) кај новитетот Денца Д9, со досег од 620 километри и моќност за полнење од 166 кВ.

Од концернот Фолксваген, најмногу бодови освојува ФВ ИД.7, што со потрошувачката од 14,1 кВч/100 км е најштедлив модел во сегментот.

Тесла уште е на првото место, но соперниците стигаат брзо.

Не само поиновативни, туку и поевтини

„Се покажува дека најиновативните производители на автомобили во подрачјето на батериските електрични возила во моментов се вбројкуваат и меѓу пазарните лидери во е-мобилноста,“ заклучува Брацел во својата анализа. Покрај моќта за иноваирање, за идниот пазарен успеј има важна улога има и ниската продажна цена.

„Некои кинески производители во моментов поентираат кај двата фактори за успех. Тоа ги поставива конкурентите пред двоен предизвик: Тие мораат да бидат поиновативни, исто колку што се поскапи.“

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Нисан го следи примерот на Тесла за да произведува поевтини електрични автомобили

Алфа Ромео Јуниор во најскапата изведба чини 31.900 евра во Италија