Дарко Јаконов
Новата фабрика на Infineon во Австрија се отвора со цел да се надмине недостигот од чипови, којшто меѓу другото остава последици и врз производството на автомобили. Забрзаната изградба заврши три месеци пред планот.
Во екот на светската криза од чипови, концернот за производство на полупроводници Infineon отвора нова фабрика во Вилах, Австрија. Фабриката вредна 1,6 милијарда евра официјално ќе започне со производство попладнево. Во фабриката се произведува пробно уште од август.
Новите погони се завршени три месеци порано од планираното. Infineon наложи забрзана изградба уште во почетокот на годината, како реакција на недостигот од чипови во светски рамки, односно на нагло зголемената побарувачка и создаденото тесно грло во снабдувањето на пазарот.
Во високо автоматизираната фабрика ќе работат 400 лица. На отворањето се очекува да присуствуваат австрискиот сојузен канцелар Себастијан Курц и ЕУ-комесарот Тиери Бретон.
Стриминг од настанот во 13.30 часот може да се следи на линкот:
https://missionfuture-opening.business-stream.eu/en.html
Only 3 days left to the official opening of our new high-tech chip factory in Austria: As special guest, we welcome @bertrandpiccard giving an insight on how to achieve global climate targets.
Join our livestream on 17 Sept, 1:30 p.m. CEST:https://t.co/GYzRrOGLBk#missionfuture pic.twitter.com/tahc3BnXao— Infineon (@Infineon) September 14, 2021
