Продолжува традицијата на модели со високи перформанси на Honda што се инспирирани од духот на мотоспортот. Новата Honda Civic Type R ќе стартува со продажба во Европа уште годинава.
Новата генерација на Honda Civic Type R постави рекорд за автомобили со преден погон на прочуената тркачка патека Сузука во Јапонија. Рекордното време на патеката долга 5,8 километри сега изнесува 2 минути и 23,120 секунди. Тоа е 0,873 секунда побрзо од претходникот, Honda Civic Type R Limited Edition.
Рекордот беше поставен за време на завршното дотерување на моделот на 15-ти март. Honda Civic Type R е најнов модел со високи перформанси што се докажа на прочуената тркачка патека Сузука, којашто предизвикува со шикани што се совладуваат со високи брзини, како и со сложени свијоци.
Ценета како една од најдобрите тркачки патеки во светот, патеката се користи за развојно тестирање на моделите на Honda со високи перформанси уште од 1962 година. На Сузука традиционално се одржува трката за Големата награда на Јапонија во формула 1.
Type R's only rival is Type R! 🏁 The 2023 #CivicTypeR just broke its predecessor’s record, making it the fastest front-wheel drive vehicle to ever perform at Suzuka Circuit. https://t.co/dIH5K7UmOw pic.twitter.com/Lh3z7lnIU0
— Honda (@Honda) April 7, 2022
Претходното рекордно време од 2 минути и 23,993 секунди го постави Honda Civic Type R Limited Edition при завршното дотерување во февруари 2020 година. Пред тоа, модел од десеттата генерација Civic Type R GT постави рекорд за возила со преден погон на Нирбургринг во 2017 година, со 7 минути и 43,8 секунди. Сериски примерок од Civic Type R GT постави серија од пет рекорди на најголемите тркачки патеки во Европа.
Премирата на новиот Civic Type R се очекува кон крајот на годината.
Our next generation Civic Type R sets a new lap record at the world-famous Suzuka Circuit. It lapped the 5.8km track in 2 minutes 23.120 seconds*, 0.873 seconds faster than its predecessor. Read more here: https://t.co/osVDG9pfOX pic.twitter.com/AcPanT8IWt
— Honda UK (@Honda_UK) April 7, 2022
