за

Полициските велосипеди во Холандија добија сина ротација

Сино ротациско светло досега имаа само мотоциклите и автомобилите. Сега и велосипедите на холандските полицајци добија „ротација“.

Полициските велосипеди во Холандија добија сина ротација

Холандските полицајци со велосипед отсега можат да вклучат сино ротациско светло додека се упатуваат кон местото на коешто треба да се интервенира. Шест градови ги опремија полициските велосипеди со сино светло.

(dpa) Според соопштението од холандската полиција, синото ротациско светло придонесува за службениците за ред и мир да бидат полесно забележливи во сообраќајот. Постојат и најразлични ситуации во коишто е повеќе пожелно на средината да ѝ се укаже дека има полиција на местото, како при незгоди или при итни случаи ноќе.

За разлика од автомобилите и мотоциклите, синото светло не им дава право на предимство на велосипедите пред останатите учесници во сообраќајот. Тоа исто така не го заменува обичното осветлување на велосипедите.

Тестирањето на примената на ротациското светло во велосипедскиот „одред“ ќе трае до април. Доколку се покаже од корист, сите полициски велосипеди ќе добијат ротација. Дотогаш полицајците ќе можат да ги користат велосипедите со ротациско светло преку специјално одобрение од министерството за инфрастуктура, затоа што законите не дозволуват сини или трепкачки светла.

>>> Пратките во Холандија се разнесуваат со електрични камиони

Fuso eCanter PostNL електрични камиони пошта Холандија

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Неколку совети од Škoda околу одмрзнувањето на стаклата

Неколку совети од Škoda околу одмрзнувањето на стаклата

Кој е големиот новитет на Kia за Бадник?