Harley-Davidson Fat Boy е главниот новитет летово во продавниците за Лего. Комплетот за составување на легендарниот мотоцикл содржи подвижни делови, како волан, рачки за сопирачките и за спојката, задно тркало и мотор Milwaukee-Eight со подвижни клипови.
Малечката верзија на Fat Boy е достапна во комбинација од темноцрвена и црна боја, со логоа на Harley-Davidson. Комплетот за експерти на Лего со Harley-Davidson Fat Boy содржи 1.023 делови и ќе се појави во продажба на 1-ви август во продавниците на Лего и во онлајн, по цена од 90 евра.
Соработката со Harley-Davidson го инспирираше дизајнерскиот тим на Лего да го изработи моделот Fat Boy во природна големина. Тој поседува посребрени делови, вклучување одредени функции преку Wi-Fi, како и звучнми и светлосни ефекти. Мотоциклот од коцки е изработен за 865 работни часови и се состои од 69.569 делови. Овој Fat Boy ќе има турнеја во избрани продавници за лего.
https://www.instagram.com/p/BzsmepEFA06/