за

Германија ќе покрива 9.000 € за електричен автомобил до 2025

Државата ќе го потпомага купувањето возила со електричен и приклучен хибриден погон до 2025 година. Максималната висина на субвенцијата изнесува 9.000 евра.

Volkswagen ID.3 premiera

Германија ќе продолжи да ги субвенционира автомобилите со електричен и приклучен хибриден погон до 2025 година. Купувачите моментно добиваат државна помош во висина до 9.000 евра.

Уделот на државата во основната субвенција во висина од 3.000 евра ќе продолжи до 2025 година, како што беше предвидено уште во почетокот. Новината е во тоа што Германија сега реши да продолжи со исплата на удвоената висина на субвенцијата во следните четири години, што беше усвоено во почетокот на корона-кризата. Тоа го договорија застапниците од автомобилската индустрија од повеќе сојузни држави, синдикални претставници, како и претставници од политичките партии, во присуство на канцеларката Ангела Меркел.

Првично беше планирано премијата да се скуси по 2021 година, но тој план е откажан. За возилата со приклучен хибриден погон да се квалификуваат за субвенцијата, по 2021 година тие ќе мора да поседуваат досег на струја подолг од 60 километри. Германија вкупно ќе издвои една милијарда евра за продолжувањето со субвенциите.

Моментно во Германија стојат на располагање над 700 моделски изведби на автомобили што подлежат на субвенционирање

Највисока субвенција добиваат купувачите на чисто електричен автомобил во вредност до 40.000 евра нето (со 16% ДДВ бруто 46.400 евра бруто). Тие можат да сметаат на субвенција во вкупна висина над 9.000 евра. Сојузните власти го зголемија уделот на државата на 6.000 евра, како дел од програмата за поддршка на стопанството во корона-кризата. На тоа се надоврзуваат уште 3.000 евра, кои ги покрива производителот на автомобилот.

Вака изгледа електрична станица со полначи во Штутгарт

Државата претходно ја зголеми субвенцијата во почетокот на 2020 година. Покрај тоа е значително поедноставена и процедурата за поднесување барање за субвенција. Премијата ја доделува Сојузната агенција за економија и контрола на извозот, којашто работи под Министерството за економија.

За да се исполнат поставените климатски цели до 2030 година, неопходно е по германските патишта дотогаш да сообраќаат меѓу седум и десет милиони електрични автомобили. Досега се покриени барањата на повеќе од 320.000 купувачи.

>>> Франција привршува со субвенции, наплаќа за премногу СО2

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Новиот мотор на Great Wall избран во кинескиот Топ 10

Новиот мотор на Great Wall избран во кинескиот Топ 10

Seat salon

Seat со освежена салонска постава, ѕвезда е Tarraco FR