Дарко Јаконов
Фабриката на Stellantis во Лутон ја прошири палетата на модели што ги изработува со почетокот на производството на лесното доставно возило Fiat Professional Scudo. Со дополнителното производство на Scudo се покрива големата побарувачка за моделот, откако претходно стартуваше неговото производсво во француската фабрика.
Ова е првпат возило на Fiat да се произведува во Велика Британија. Во Лутон ќе се изработуваат заедно моделските изведби со волан од десна и од лева страна, за испорака во Велика Британија и на европските пазари.
Fiat Professional Scudo продолжува да се произведува во Орден, Франција. Таму воедно се изработува и електричната изведба e-Scudo, од каде што моделот се испорачува за сите пазари.
Во Лутон се произведуваат изведбите со мотор со внатрешно согорување од Opel/Vauxhall Vivaro, Citroën Jumpy, Citroën Dispatch и Peugeot Expert.
Марк Нобл, директор на фабриката во Лутон: „Голема вест е тоа што фабриката во Лутон започна со производство на Fiat Professional Scudo, што значи дека отсега ги произведуваме доставните возила од средна големина од сите марки на Stellantis, како за Велика Британија, така и за европските пазари.“
https://twitter.com/FiatProOfficial/status/1569966771292995584?s=20&t=JwjGNLM-t0qZjIKqT8ZiNg
Новото Scudo во Италија стартува од 27.500 евра со 1,5-литарски дизел со 100 КС, во фургонска изведба. Електричниот модел чини околу 38.000 евра, но затоа во земјата следи и субвенција во висина меѓу 4.000 и 12.000 евра, за мали и средни компании, за возила со тежина меѓу 1,5 и 12 тони. Властите во Македонија уште немаат воведено механизам што ќе го олесни купувањето електрични возила.
