за

Фиат Панда на струја ќе се произведува во Србија, потврди претседателот Вучиќ

Производството на електричната Фиат Панда ќе ја забрза трговската размена меѓу Италија и Србија, кажа претседателот Александар Вучиќ.

Фиат Концепт Чентовенти е мошне верна најава за електричната Фиат Пандина, што годинава ќе почне да се произведува вп Крагуевац

Српскиот претседател Александар Вучиќ очекува концернот Стелантис да ја произведува електричната Фиат Панда во фабриката во Крагуевац.

Вучиќ посочи дека производството на електричната Фиат Панда ќе биде силен поттик на трговската размена меѓу Италија и Србија, којашто во моментов достигнува вредност од 4,6 милијарди евра годишно.

Претседателот не наведе точен датум кога би почнало производството. Тој се обрати во неделата, по средбата со италијанската премиерка Џорџа Мелони.

Тековната генерација на Панда се прозиведува во фабриката на Фиат во близина на Неапол. Новиот модел се очекува да ја доживее својатга премиера кон средината на 2024 година.

Стелантис и српската влада во 2022 година потпишаа договор вреден 190 милиони евра, за електрични возила да се произведуваат во фабриката во Крагуевац. До пред извесно време, во српската фабрика се произведуваше Фиат 500 Л, компактен ван со стилски обележја на семејството „500“.

Извршниот директор на Фиат, Оливие Франсоа, во август најави дека во јули 2024 година ќе биде претставен електричен модел по пример на Панда.

Автомобилот без премногу техно и стилски оптоварувања ќе чини помалку од 25.000 евра. Извесен дел од компонентите во новата Панда се заеднички со новиот е-Ц3 од сестринската марка во Стелантис, Ситроен.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Тесла Сајбертрак почнува од 61.000 долари, далеку над најавите

Тојота работи на два нови електрични модели за Европа