Како што е пропишано во овие чудни корона-времиња, дури и најголемите автомобилски новини се појавуваат пред светот само во дигитална форма. Тоа не менува многу во самиот автомобил. Ferrari SF90 Spider прави возењето моќна машина без заштита од ветар да биде уште повозбудливо доживување.
Ferrari SF90 Spider е прв „отворен“ модел на Маранело со хибриден погон и поставува нови мерила во поглед на перформансите и иновациите, не само за италијанската марка, туку и за целиот сектор на спортски автомобили. Новиот спајдер го користи како основа екстремниот и рекордерски SF90 Stradale, но со клучна разлика.
Преклопливиот цврст покрив прави уживањето во моќноста без комплетна заштита од ветар да биде уште повозбудливо. Според италијанската куќа, SF90 Spider е совршен автомобил за сопственици што го бараат врвот што може да го понуди технологијата на Ferrari, но во исто време ја обожуваат возбудата да се вози без покрив.
Ferrari повторно се реши за преклоплив цврст покрив, затоа што решението гарантира најдобра звучна заштита, не се изобличува при високи брзини и на патниците им обезбедува простор и комфор. Потребни се 14 секунди за покривот да се спушти или подигне, и секако дека тоа може да се направи и во возење.
Прв со ваков покрив се појави 458 Spider во 2011 година. Со текот на времето, конструкцијата напредуваше и просторот што го одзема покривот во багажникот има зафатнина од само 100 литри, додека на обичните системи им се потребни 150 до 200 литри. Алуминиумската конструкција прави тежината на покривот да биде 40 килограми полесна од челичен покрив. Задниот прозорец се мести електрично и тоа им обезбедува комоција на патниците при висока брзина.
Бидејќи сепак станува збор за екстремна машина од Ferrari, секако дека и SF90 Spider, исто како SF90 Stradale е достапен со пакет за екстра динамика. Во овој пакет Assetto Fiorano се содржани ставки што не се нудат кај стандардниот модел. Тоа важи за амортизерите Multimatic од GT-тркачките болиди на Ferrari, како и карбонски и титан материјали, кои заштедуваат 21 килограм, карбонски заден спојлер и Michelin Pilot Sport Cup 2 хомологирани за трки. Посебен „детал“ на Assetto Fiorano е опцијата за двобојна каросерија, што исто е во стилот на тркачките болиди.
МОТОР
Тип V8 – 90° – turbo – сув картер
Зафатнина 3990 cc
Пречник и од 88 mm x 82 mm
Моќност 780 КС при 7500 rpm
Вртежен момент 800 Nm при 6000 rpm
Максимални вртежи 8000 rpm
Компресија 9.4:1
ЕЛЕКТРОМОТОРИ
eDrive моќност 162 kW
eDrive досег 25 km
Батерија 7.9 kWh
ДИМЕНЗИИ И ТЕЖИНИ
Должина 4704 mm
Ширина 1973 mm
Висина 1191 mm
Меѓуоскино растојание 2649 mm
Ширина на предна трага 1679 mm
Ширина на задна трага 1652 mm
Празно возило без течности 1670 kg
Сооднос 1.67 kg/КС
Распределба на тежина 45% напред / 55% назад
Багажник 74 l
Резервоар 68 l (11 резерва)
ГУМИ И ТРКАЛА
Напред 255/35 ZR 20 J9.5
Назад 315/30 ZR 20 J11.5
СОПИРАЧКИ
Напред 398 x 223 x 38 mm
Назад 360 x 233 x 32 mm
МЕНУВАЧ
F1 осумстепен со двојна спојка, AWD, електрична предна оска
КОнтроли: eSSC: E4WD (eTC, e-Diff3), SCME-Frs, FDE 2.0, EPS;
ПЕРФОРМАНСИ
Системска моќност 1000 КС (735 kW)
0-100 km/h 2.5 s
0-200 km/h 7.0 s
100-0 km/h < 29.5 m
Крајна брзина 340 km/h
Круг на Фиорано 79.5 s