Dacia Sandero втор месец е најпродаван автомобил во Европа

Dacia Sandero е пред прогласување за најпродаван модел на европскиот пазар во февруари, што би било втор месец во низа.

Dacia во минатиот месец продаде 17.677 примероци од градската комбилимузина, што претставува раст од 41 процент во споредба со истиот месец лани.

Единствениот модел што му se заканува на Sandero, на пат да биде прогласен за Број 1 во Европа е електричната Tesla Model Y. Тоа го покажуваат првичните податоци за продажбата на автомобили во Европа, според истражувањето на компанијата Dataforce.

Tesla во вториот месец од годината продаде 17.437 примероци од електричниот СУВ-модел од средна класа. Тоа е раст од близу 160 проценти во споредба со лани, за 240 возила помалку од Sandero. Првичните информации се базираат врз податоците што се пристигнати за 94 проценти од пазарот што ги опфаќа ЕУ, ЕФТА и Велика Британија

Volkswagen T-Roc го задржи третото место во февуари, со продадени 15.229 возила, што претставува раст од 68 проценти во споредба со истиот месец во 2022 година. Компактниот СУВ има предност од само 198 возила, пред Peugeot 208, според првичните податоци.

Најчитано

Renault Espace се престори во СУВ и оди на диета

Водечката петорка ја заокружува Opel/Vauxhall Corsa, со продадени 14.603 возила или за 28 проценти над резултатот од февруари лани. Веднаш потоа следи Toyota Yaris Cross.

VW е на пат да го заврши месецит со три модели во Топ 10. На осмото место е Golf, по него следи компактниот СУВ-модел Tiguan

Заедно со хит-моделот Duster, којшто е на 7-то место, Dacia има два модели меѓу 10-те напродавани во Европа во февруари.

Во февруари, девет од десетте најпродавани модели во Европа постигнале раст во продажбата, покажуват првичните информации од Dataforce. Исклучок е само Golf, чијашто продажба опаднала за 10 проценти.

Од останатите модели во Топ 50, најмногу се издвојува успехот на Peugeot 308 (+102 проценти), како и на VW ID3 и Taigo (134 проценти, односно 99 проценти, соодветно).

Peugeot 208 во февруари се искачи од седмото на 4-то место. Францускиот градски-мобил беше најпродаван модел во Европа во 2022 година. Во првите два месеци од 2023 година, Peugeot 208 исто така е четврти најпродаван модел.

Европските лидер по првите два месеци од годината се Sandero (38.206 возила), пред T-Roc (32.670) и Toyota Yaris Cross (28,183).

Топ 50 најпродавани модели во февруари 2023 во Европа, според Dataforce