Chevrolet Performance има голема вест за светот, буквално голема. Моторот со ознака ZZ632/1000 е најголемиот и најмоќен мотор за специјална примена во историјата на марката. Традиционалниот атмосферски V8 постигнува 1.004 КС и 1.188 њутнметри – и не смее да се вградува во возило за јавен сообраќај.
Одделението за мотори за специјална примена и за трки го произведе најголемиот и „најлош“ мотор во својата историја. Осумцилиндарецот со ознака ZZ632 го постигнува максимумот на 6.600 вртежи, а инженерите препорачуваат да не се оди над 7.000 вртежи.
Впрскувањето гориво е индиректно, со посебен инјектор за секој цилиндар, со алуминиумска глава изработена на CNC-фреза, со широки канали. За разлика од традиционалните „Big Blocks“ што обично имаат различна должина и форма на вшмукувачките канали од цилиндар до цилиндар, тука сите вшмукувачки канали имаат иста должина, иста геометрија и ист пречник. Истото важи и за издувните канали на ZZ632. Симетричноста гарантира дека секој цилиндар ќе произведува приближно иста моќност.
Двете глави со симетрични канали носат ознака RS-X, по инженерот за мотори Рон Спери, кој ги конструираше истите како негово завршно дело во повеќе од 50-годишната кариера во изработката на спортски и тркачки мотори за General Motors. Спери исто така ги проектираше симетричните канали за иконскиот Small Block V-8 на Chevrolet од третата генерација на LS1, што дебитираше во Chevrolet Corvette во 1997 година.
Блокот од сив лив потекнува од генерацијата специјални мотори ZZ572 на Chevrolet Performance, со незначително зголемен пречник на цилиндрите, но затоа со óд на клиповите што е зголемен за 0,375 инч, односно за околу 9,5 милиметри. При тестирањето, моторот издржа 200 симулации на старт на драг-трка.
Специјалниот мотор ZZ632/1000 ќе биде една од ѕвездите на SEMA Show што традиционално се одржува во Лас Вегас, годинава во периодот меѓу 2-ри и 5-ти ноември.
Технички податоци
Chevrolet Performance ZZ632/1000 | |
Displacement | 632 cu in (10,348 cc) |
Bore x Stroke | 4.60 x 4.75 in |
Compression Ratio | 12.0:1 |
Power | 1,004 hp @ 6600 rpm |
Torque | 876 lb-ft @ 5600 rpm |
Maximum Recommended Engine Speed | 7,000 rpm |
Block | Tall Deck 632 Bowtie Sportsman, cast iron, four-bolt main caps |
Cylinder Heads | RS-X Symmetrical Port, CNC-machined aluminum |
Crankshaft | Forged steel |
Connecting Rods | Forged steel |
Pistons | Forged aluminum |
Fuel | Electronic port injection |