Драматична потера во светски размери по поранешниот шеф на Renault-Nissan. Карлос Гон без одобрение од јапонските власти ја напушти земјата, откако со кауција беше ослободен од истражителен затвор во Токио, за пред неколку денови со приватен авион да слета во Истанбул. Познатиот менаџер од врвен ранг, моментно е во Бејрут.
Поранешниот шеф на алијансата Renault Nissan, Карлос Гон, би можел да добие безбедно прибежиште во Франција. „Доколку господин Гон дојде во Франција, нема да го испорачаме, затоа што Франција не ги испорачува своите државјани никому,“ изјавија од француското министерство за економија и финансии. Гон поседува француско, бразилско и либанско државјство. Оттаму сепак посочуваат дека никој не е над законот. Француските власти дознале за бегството на Гон од медиумите.
Откако јапонските власти го ослободија под кауција лани во април, Гон пред неколку денови ненадејно се појави во Либан. Познатиот автомобилски менаџер тогаш изјави дека „повеќе не е заложник на манипулираниот правен систем во Јапонија“. Од министерството за надворешни работи во Токио се надеваат дека либанските власти ќе им излезат во пресрет, бидејќи Јапонија нема потпишано спогодба за размена на затвореници со државата на Медитеранот.
Renault-Nissan долги години беше пример за одлична соработка меѓу два производители; Гон буквално го спаси Nissan од банкрот
Според јапонското државно обвинителство, Гон ги префрлувал приватните финансиски загуби на сметка на Nissan. Тој е таткото на алијансата што долги години функционираше беспрекорно меѓу Renault и Nissan, за пред извесно време да се придружи и Mitsubishi.
Во Турција се приведени седум лица за коишто постои сомневање дека учествувале во бегството на Гон. Според соопштението од државната новинска агенција Анадолу, меѓу нив се наоѓаат и четворица пилоти. Тие го организирале бегството на Гон од Јапонија со приватен авион, преку Истанбул, до крајното одредиште во Либан. За таа цел бил користен аеродромот Ататурк во Истанбул, кој извесно време не се користи за редовни летови. Инспектори извршиле претрес и во куќата на Карлос Гон во Токио.
Lebanon receives Interpol arrest warrant for ousted Nissan boss Carlos Ghosn – Lebanese judicial source. Read more: https://t.co/0Wiku1diZO pic.twitter.com/BR9LeyWcfH
— Reuters (@Reuters) January 2, 2020
Поранешниот шеф на француско-јапонската алијанса повеќе месеци се наоѓаше во затвор. На 19-ти ноември 2018, тој беше приведен во Токио поради прекршување на берзанските одредби и потоа беше осуден. Во април лани, Гон под кауција беше ослободен од истражителен затвор. Без одобрение од јапонските власти, тој пребега во Либан.
Кусо по приведувањето, тој беше отпуштен од позицијата на управен шеф во Nissan, а потоа и од Mitsubishi. Во јануари, Гон ја напушти и позицијата на шеф на концернот Renault.
After Carlos Ghosn’s escape, what does this mean for doing international business in Japan? “I think there will be a chilling effect of putting the A-team players into Japan unless there’s some reform,” Yale’s Jeff Sonnenfeld says. https://t.co/CBnESHs02E pic.twitter.com/DwEKd80JvG
— CNBC (@CNBC) January 2, 2020