за

Џенерал Моторс се враќа во Европа со електричен Кадилак

Американски Џенерал Моторс ќе тестира во Франција дали со онлајн продажба ќе ги привлече богатите купувачи на автомобили.

Џенерал Моторс напоменува дека Кадилак има француски корени, со тоа што марката го носи името на францускиот авантурист Антоан де ла Мот Кадилак.

Џенерал Моторс го претстави својот луксузен електричен модел Кадилак Лирик во Франција. Тоа ќе биде обид на производителот од САД да го прошири своето присуство на тукашниот пазар, откако лани се врати во Европа. ЏМ воедно ќе тестира дали онлајн продажбата ќе ги привлече богатите купувачи на електрични автомобили,

Како прв чекор во враќањето на европскиот пазар, Џенерал Моторс лани во октомври најави дека почнува со продажба во Швајцарија. Производителот од САД во 2017 година ги продаде своите европски марки Опел и Воксхол на ПСА Пежо Ситроен, по цена од 2,3 милијарди долари. Намерата е Кадилак тука да продава исклучиво електрични автомобили.

За разлика од домашниот пазар, каде што продажбата се заснова врз широка мрежа од дилери, европските купувачи ќе можат да го конфигурираат и да го купат својот електричен Кадилак единствено по пат на онлајн-продажба.

Европските производители се посветени кон производство на подостапни електрични автомобили, под притисок од кинеските соперници и од забавената побарувачка.

Шефицата на Џенерал Моторс за Европа, Џеклин Меквејд, во понеделникот, за време на претставувањето на моделот во Париз, изјави дека се очекува електричните СУВ и натаму да бидат сегмент во којшто најбрзо расте продажбата на возила со нулта емисија на штетни материи.

„Кога ќе го погледнете пазарот на батериски електрични вопзила во Франција, токму луксузниот маркет порасна најмногу,“ кажа Меквејд. „Фокусот во моментов е во луксузниот пазар.“

Најпродаван електричен автомобил во Франција лани беше Тесла Модел Ипсилон, којшто стартува од 42.990 евра на тамошниот пазар.

Нагласувајќи го француското потекло на Кадилак – францускиот авантурист Антоан де ла Мот Кадилак го основаше Детроит во 1701 година – Меквејд кажа дека ќе има и следни електрични модели, што ја користат истата архитектура како Лирик. Лускузниот СУВ се произведува во Тенеси.

Лирик во Швајцарија почнува од 82.000 швајцарски франци, меѓутоа ГМ засега не ги објавува цените за Франција.

Кадилак планира да отвори и салон во Париз. Лирик ќе може да се нарача онлајн почнувајќи од 23-ти март. Луксузнииот ЕВ треба потоа да стартува и на останатите европски пазари, вклучувајќи ја Германија кон завршетокот на годината.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Сузуки според издржливоста е меѓу премиум марките

Електричен Рено Сеник е европски автомобил на 2024 година